జై జవాన్

నా తరపున సుభ గారి తరపున అందరికి గణతంత్రదినోత్సవ శుభాకాంక్షలు

నాలోని ప్రాణం నీవే

నాలోని ధైర్యం నీవే

నావెనుక సైన్యం నీవే భారత దేశం


నాలోని ఉప్పెన నీవే

నాలోని ఆవేశం నీవే

నాకున్న శకలం నీవే భారత దేశం



నీవిచ్చిన ప్రాణం కాదది వరమనుకుంటున్నా

నీకంటూ ఇస్తూనే చరిత్రనైపోనా

నీవే ఒక యుగమైతే

ప్రతినిమిషం నేనౌతా

కవచంలా కౌగిలిస్తూ

ప్రేమను అందిస్తా



నలుదిక్కుల మానవహారం

నీమెడలో పూలహారం

నీవే మా దేవత వంటూ పూజలు చేస్తున్నాం

త్యాగాన్నే కోరికచేస్తూ నీకర్పిస్తున్నాం

మాలోని రక్తపు బొట్టుకు మావారిని కాపాడు

చిరునవ్వులు పంచుతూ చిరకాలం తోడుండు



ఓ తల్లిగా కన్నీరే

చిందించిన మాకోసం

దిగులే పడకు ఎన్నడూ

మరు జన్మ ఉంటే నీతోనే

ఎంత దూరం మా పయనం నీ గర్బంలోకే కదా
ప్రాణమిస్తే మరు క్షణం నీ బిడ్డలమౌతాం కదా

నీ ఒడిలో చోటిస్తూ లాలించు నను ఓదార్చు

ఈ బాధను మరిచేలా నీ ఎదపై ఆడించు