వజ్రాన్ని చేరాలంటే

వజ్రాన్ని చేరాలంటే బొగ్గులోని నల్లటి పొరలన్నీ దాటి చూడాలి...

To find the diamond bright and true,

Through layers of coal, one must break through,

Tough and black, they block the way,

But the prize is worth the toil each day...

💜💜

బంగారు వజ్రం

శక్తివంతమైన వజ్రం మట్టుకే బంగారు విలువను పెంచగలదు,బంగారం మట్టుకే ఆ వజ్రానికి అందమైన స్థానం ఇవ్వగలదు,అదేవిధంగా నువ్వు నా వజ్రానివి నేను నీ బంగారాన్ని..

 

The mightiest diamond lends gold its grace, While gold provides its beauty a perfect place.So too, my love, you are my precious gem,And I the gold that you adorn with them.

💜💜

చెడిపోయినా విలువే

పాలు చెడిపోయినా జున్నులా మారుతుందిగా, పాలకన్నా జున్ను మరింత విలువేగా, 

నీతో ఉంటే నేను అలానే చెడిపోతాను మరింత విలువలు పోగుచేసుకొని మారిపోతాను...

I get spoiled when with you, 

like spoiled milk becoming cheese, 

but more worthy..

💜💜

చినుకు చినుకుకు ఉన్నంత దూరం

మన మధ్య ఉన్న దూరం చినుకు చినుకుకు ఉన్నంత దూరం,

మన మధ్య మాటలు తప్ప మరెవ్వరూ ఆ దూరాన్ని తగ్గించలేరు,

మన మౌనం తప్ప మరెవ్వరూ ఆ దూరాన్ని పెంచలేరు...

The gap between us is like the gap between the rain drops it's there but it's not there,

No one can create that except the silence we create,

No one can fill that except the drops we make

💜

మానవత్వానికి చిరాయువు

కోటికేగినా కాటికి భయము లేదు,

కొంచమున్నా కాటికి జాలి లేదు,

మసి కానిది ఏమున్నది అంటే,

మనిషిలో మానవత్వానికి చిరాయువు...

మీకు అంటిన మసి మాకు ఎందుకు

బాధ్యతగల ఒకరి కష్టం వింటుంటే ఇలా తోచింది.

పాతరకి ఉన్న మసి కంటే అందులోని వంటకమే అందరికి ఇష్టం, 

ఆ మసే అంటకుంటే వంటకు రుచి పచి ఉండదు, 

మీరు మసిబారి ఎన్నో వంటలు చేస్తున్నారు, 

వంట రుచి చూస్తాము అంతే కాని మీకు అంటిన మసి మాకు ఎందుకు....

తనని తాను మరిచి అటు సమాజాన్ని ఇటు ఇంటిని  మోసే ప్రతి స్త్రీకి ఇది అంకితం 🙏

చిరుదీపం కార్చిచ్చు

చిరు దీపంలో వెలుగు ఉండకపోవచ్చు కానీ ఎంతో సాంత్వననిస్తుంది,

కార్చిచ్చు ఎంతో వెలుగునివచ్చు కానీ భయాందోళనకు గురిచేస్తుంది,

కలిగే ఒక్క ఆలోచనని చిరుదీపంలా వెలిగించి ఆనందిస్తామో లేక కార్చిచ్చులా రగిలించి కాలిపోతామో మన చేతిలోని ఉంది...

మొలక రాకుంటే ఓటమి కాదు/It is not lost if it didn't sprout

మొలక రాకుంటే ఓటమి కాదు....

అనుభవాల వేర్లు ఎంత లోతో ఎవరికి తెలుసు....

-----------------------------------------

It is not lost if it didn't sprout...

Who knows how much depth it's roots are in...

హాయిగా గడపాలంటే

మిగిలిన కొంత కాలం హాయిగా గడపాలంటే...

రగిలినవెన్నో ఆరిపోవాలి...

పగిలినవెన్నో ఒక్కటవ్వాలి...

జరిగినవెన్నో మరచిపోవాలి...

నీకెందుకు ఆ పట్టుదల?

ఓ నీటి బుడగా! నీకెందుకు ఆ పట్టుదల?!

చిన్న అలికిడికే పగిలిపోతావు,

అంత దూరం ఎగరలేవు,

గాలి ఉన్న ఆశతో బ్రతుకుతుంటావు,

ఎవరి ఆనందానికి బలి అవుతావో తెలియక,

నీ దారి నీ చేతిలో లేక,

బ్రతికే నీ కొద్దిపాటి జీవితంలో

ఏం సాధించాలని నీకు ఆ పట్టుదల??!

ఓటమిని గెలుపుని మరొకరి చేతిలో పెట్టకు

ఓడినపుడు

ఆశపడే స్థాయి లేదనుకోకు..

గెలిచినపుడు సాధించాననుకోకు..

నీ ఓటమిని గెలుపుని మరొకరి చేతిలో పెట్టకు..

సాధన చేయాలి పోటీ పడాలి ఆటను ఆస్వాదించాలి ఫలితాన్ని ఆహ్వానించాలి..

ముక్కలైన మనసు

పగిలిన అద్దంలో ప్రతి ముక్క మరో అద్దం ఔతుంది..

అలాగే ముక్కలైన మనసు వాలే ప్రతి చోట కొత్త ప్రేమ చిగురించాలి మరింత ప్రేమను అందుకోవాలి..

స్నేహోదయం

ప్రతి రోజు వెలికితీసే జ్ఞాపకాలలో,
ప్రతి కిరణం గుర్తు చేసే ఉదయంలో,
చిగురించే చిరు కవితలు మీరు,
అల్లుకుంటూ హత్తుకుపోయే చెలిమి మాలికలు మీరు.... 

నా మది ముత్యమై వెలుగుతుంది

కడలి తాకే ప్రతి చినుకు ముత్యం కాదు...
కానీ నన్ను తాకే నీ ప్రతి భావం నా మది ముత్యమై వెలుగుతుంది...

తీరపు మనసును గాయపరిచిన కెరటం

ఎందుకో లేవనంది కెరటం,
తీరానికి మాట ఇచ్చి నింగి అంచులోనే ఆగిపోయిన కెరటం,
మనసులో తడి చేర్చుకుంటూ ఎదురుచూసే మట్టిని తాకలేక,
దాని కనులను తడిచేసిన కెరటం,
ఎండ వేడికి ఆవిరై తీరాన్ని తాకుతానంది,
కానీ మబ్బు నీడకు అక్కడే ఉండిపోయిన కెరటం,
సుదూరాలకు చేరుకొని దారి మరచిన కెరటం,
తీరపు మనసును గాయపరిచిన కెరటం...

మిన్నంత తన మనసు

తెలియదు జాబిలికి తాను ఎంత అందమని,
చెక్కిళ్ళు పొంగితే తాను పౌర్ణమి అవుతుందని,
మచ్చలే తన మమకారాలు,

మిన్నంత తన మనసు,

మిణుగురంత తన కోరిక,

ఒంటరి జీవితం,

కానీ తన వెన్నెల అందరికోసం...

తిరిగిరాదా నీ స్నేహపు రవళి

తిరిగిరాదా నీ స్నేహపు రవళి పూర్వపు కాంతిని వెదజల్లుతూ చీకటిని తొలచుకుంటూ వెన్నల కన్నా మిన్నగా మనసు కన్నా లేలేతగా నా చేతికి పసిపాపలా తోచే నీ స్నేహం తిరిగిరాదా ..... కన్నుల కాంతులు మిరిమిట్లు గొలుపుతున్నా నవ్వుల హరివిల్లులు గొడుగులా విరబూస్తున్నా నీవు లేని ఈ కన్నుల పండుగ కాంతిలేని దీపం లా మూగపోతోంది ఆ మౌనపు ఆరాధనే నిన్ను తిరిగి నా చెంతకు రప్పిస్తుందని ఆశిస్తున్నాను నీకై ఎప్పటికి అదే కనులతో చిన్నారి భావనతో వేచి చూస్తుంటాను....

అలజడి లేని చల్లని చిరుగాలి ..

( మా స్నేహానికి గుర్తుగా ఆ కుందేలు ) నీ అల్లరి అలజడి లేని చల్లని చిరుగాలి .... నీ పల్లవి కొందరికే వినపడే స్నేహపు మురళి... నిశ్సబ్ధమైన చీకటిలో ఉర్రూతలూగే వెన్నల లోగిలి.... కలలలోను మదిలోను దాగిపోయే జ్ఞాపకాల సరళి..

చిట్టి పొట్టి చీమలో ఎన్ని ఎన్ని యుక్తులో

చిట్టి పొట్టి చీమలో ఎన్ని ఎన్ని యుక్తులో చక చక నడుచుకుంటూ పరిగెడుతూ ఉంటుంది కొండైనా అది చక్కెరైతే నిమిషంలో కరిగిస్తుంది పోట్టిధైనా గేట్టిదే తనకు మూడింతలు మోస్తుంది ఎవ్వరికిందా పని చేయదు స్వాభిమానం కలది పుట్టలు మేడలు కట్టేస్తుంది ఏ అడ్డమైనా ఎక్కేస్తుంది దోచుకోదు ఎప్పుడు కావలసినది దాచుకుంటుంది కష్టమైనా చేసుకుంటూ కాలం గడుపుతుంది క్రమశిక్షణ కలది అది కొలవలేనిది

నమ్మకమే జీవితం

వదలలేని జీవితంలో వల్లమాలిన ఆప్యాయతలు ఎంతదూరమో ఎంత చెరువో మన చెంతనున్నా తెలియదు వాటికి లెక్కలేసుకుంటే ఫలితము రాదూ నమ్ముకుంటేనే ఆ కల నిజమయ్యేది  అదే లేకుంటే ఇంక ఈ జీవితమేది ......