చినుకు చినుకు నవ్వు నవ్వు

చినుకు చినుకు రాలి కడలి పొంగినా,
నీ నవ్వు నవ్వు నింపిన వాగుకంటే చిన్నదే...

ఎవరు నిన్ను చూసిన ఇలాగే అంటారు

నీ చూపుల లోయ
లోతెంతుందో,
పడిపోయిన నా మనసును అడుగు,
నీ అందపు గంధము రాసుకున్న
నా చూపులకి,
ఇంకేదైనా కనిపిస్తుందేమో అడుగు,
ఇంత  సొగసా అని ఆగిపోయిన నా మాటను అడుగు,
అవి చెబుతాయి,
ఎవరు నిన్ను చూసిన ఇలాగే అంటారని..

నిన్ను నువ్వు

నిన్ను నువ్వు అందంగా చూపించుకుంటే ఆ అందానికి మించిన అపురూపం ఆ రూపానికి మించిన అందం మరొకటి లేదు....

కొంతసమయం వరకే

మంచునుంచి కోలుకోదు వేకువ, 
విరహం నుంచి కోలుకోదు మనసు, 
కొంతసమయం వరకే....

అనురాగాలకు సమాధి

అభిప్రాయాలకు గుడికట్టి పూజించుకుంటే అనురాగాలకు సమాధి కట్టవలసిందే...

చీకటి రంగు

పగటికి చీకటి రంగు వేసావు నీ కురులతో....

నిహాల్ స్కంద

చిన్న వేషమే శ్రీనివాసుడా,
అల్లరి చేసే వెంకటేశుడా,
పడుకొనే ఎన్నెన్నో మహిమలు,
చూపాడు ఆ చిన్ని కృష్ణుడు,
పడుకొనే మా హృదయాలని,
గెలిచాడు ఈ కృష్ణుడు,
చేతులూపరా,
కాళ్ళు ఊపరా,
పాల బుగ్గల చిన్ని గోవిందా .... 


నామాలకు ఎంత మహిమో ,
నీ నవ్వులకు అంతే మహిమ,
ఆ పాదాలేమో ముక్తి నిచ్చునో,
ఈ పాదాలు మా ముద్దు తీర్చును,
అటు చూడరా,
ఇటు చూడరా,
ముసి ముసి నవ్వుల చిన్ని గోవిందా,
చిన్న వేషమే శ్రీనివాసుడా,
అల్లరి చేసే వెంకటేశుడా.... 


ఏడు కొండలు దాటితే కానీ ఆ దేవ దేవుడు,
చిన్ని ఊయల చేరితే చాలు మా చిన్ని బాలుడు,
తన భార్య కోపము కొండనెక్కిస్తే,
మా కోపము ను తీరిస్తే,
వాడికంటే ను గొప్ప దేవుడు,
మా మధ్యనున్న చిన్ని గోవింద,
చిన్న వేషమే శ్రీనివాసుడా,
అల్లరి చేసే వెంకటేశుడా....

మనకెందుకులే నాకేమిలే

మనకెందుకులే అని ఈ లోకాన్ని వదిలి కళ్ళు తిప్పుకుంటే, 
అది తిరిగి నన్నే చూస్తోంది,
కానీ లోకం వేరుగా నేను వేరుగా కనిపిస్తోంది,
లోకం తప్పు చేస్తే నేరం నేను చేస్తే చిన్న పొరపాటు,
అది మనసును ముక్కలు చేస్తే మోసం నేను చేస్తే సందర్భం,
అది సాయపడకుంటే నిర్దాక్షిణ్యం నేను చేయకుంటే చేతకానితనం,
ఎందుకో ఇంత తేడా అహం  పేరుకుపోయిందేమో నాలో,
అహమే కనుక తోలుపై ఉండేదైతే,
కోసివేసి కుంపటిలో పారవేసి ఉంటానే,
కాని కనిపించదు వదలిపోదు,
అవును ఒప్పుకుంటున్నా లోకమా నీలో నేను ఒకడినే, 
నువ్వే నేను నేనే నువ్వు,
నేను మారితే నువ్వూ మారుతావు...

ఒకే ఒక్క నక్షత్రం ఉన్న ఆకాశం

ఒకే ఒక్క నక్షత్రం ఉన్న ఆకాశాన్ని చూడాలా?  అయితే నువ్వు మాత్రమే ఉన్న నా మనసును చూడు....

దీపావళి

ఆ జువ్వ కంటే నా మదిని తాకే నీ నవ్వులే నాకు దీపావళి,
ఈ చీకటంతా వెన్నెలగా మార్చే నీ చూపులే నాకు దీపావళి,
మనది ఎన్నో పేలుళ్ల జీవితం,
అందులో కొన్నే సందళ్లు శాశ్వతం,
సగం చీకటి సగం వెలుగు కలిసిన పండుగై,
ఇద్దరమూ ఒక వేడుకై సాగిపోదాం...

గుండెకోత

కోసుకుంటే రక్తం కాక కన్నీరు ఎందుకో,
మోస్తూవుంటే బరువులేదు కానీ భారమెందుకో...

ఒక చక్కని పలకరింపు

విధిలేక వేకువ పలకరిస్తున్నా దానికి శోభ తెచ్చేది ఒక చక్కని పలకరింపు...

నేను గాలిని

నేను గాలిని,
స్వేచ్ఛగా తిరుగుతుంటా,
మంచి ముక్కులో దూరుతా,
చెడ్డ ముక్కులోను దూరుతా,
భేదాలు లేవు,
నన్ను ఆపని వారికి శ్వాసనౌతా,
నన్ను ఆపేవారిని దాటిపోతుంటా....

మిగిలిపోయేది కాదు నా జ్ఞాపకం

మిగిలిపోయేది కాదు నా జ్ఞాపకం,
మిగిలిన జీవితాన్ని నడిపించేది,
కలిగితే కలతనిచ్చేది కాదు నా జ్ఞాపకం,
కలిగే కొద్ది కనులముందు నిన్ను నిలిపేది....

వెన్నెలమ్మకు కోపమెక్కువ

వెన్నెలమ్మకు కోపమెక్కువ రాతిరమ్మ రాలేదని,
జాబిలమ్మకు తొందరెక్కువా వెళ్లిపోయే రావద్దని,
అలిగే బుగ్గలు నిప్పులా బగ్గుమంటుంటే, 
విరిసే చేమంతి కసిరే మేఘమౌతుంటే, 
మెరుపులు ఉరుములు ఎదురు చూపులు..

ప్రశ్న లేకపోతే

ప్రశ్న లేకపోతే
నిజానికి చోటు లేదు అబద్ధాలకు తావులేదు..

విరహం

చిటపటలాడే చినుకు చడి చప్పుడే లేకుండా ఉండిపోతే మెరుపు కూడా మూగబోతుంది ఆకాశమంతా మౌనం అలుముకుంటుంది...

మరింత అందం

కనులతో చూసి నీ అందాన్ని కోరికగా మార్చగకుండా అక్షరంలో దాచి దాన్ని మరింత అందంగా చేయనా?

జ్ఞాపకాన్ని దాచుకోడానికి

మరో కొత్త జ్ఞాపకాన్ని దాచుకోడానికి నిన్ను చూడాలని అనుకోవడమే తప్ప నిన్ను చూడాలనే కోరిక నాకు లేదు....

కొరికే అయినా అందాన్ని చూసేకొద్ది ఇంకా చూడాలనే తపన సహజమే అందుకు నీ అందాన్ని నిందించాలే తప్ప నా కోరికను కాదు...

ఇంకా ఈ ఘర్షణ ఎందుకు

నా మదిలో మెరుపులకు,
నీ మది మేఘాలే కారణము,
వర్షం కురిపించు,
ఇంకా ఈ ఘర్షణ ఎందుకు...

పడ్డాను నీ మంచి మనసు లోయలో

జాబిలికే ప్రాణం ఉంటే నేలకలా దిగివచ్చేది, 
తానుకూడా మనిషే అయితే నీ అందానికి సరితూగేది,
చూపు లేదు దానికి,
ఉంటే నింగీలో నీ బొమ్మను గీసేది,
నీ చెలిమి తెలియదు దానికి,
తెలిస్తే రెయికి వెన్నెల తెలియకుండేది,
అంతగా ఏముందో నీలో,
పడ్డాను నీ మంచి మనసు లోయలో....

జ్ఞాపకాలుగా ఉండిపోతాయంటే

ఒక్కసారి వచ్చి పోయినా,
వేల కాంతులు వెదజల్లితే,
రెప్పలార్పక చూస్తూ ఉన్నా,
అవి నా జ్ఞాపకాలుగా ఉండిపోతాయంటే....

స్వాతంత్య్రం అంటే?

స్వాతంత్య్రం అంటే?


జెండాకు వందనం,

తీపిని పంచడం,

సేవలకు దూరమవ్వడం,

సెలవును ఆస్వాదించడం,

ఇదేనా స్వాతంత్య్రం అంటే? కాదు


శత్రువుల చెరల నుంచి విముక్తి పొందితే వచ్చిందని పుస్తకాలు చెప్పాయి,

పాఠశాల గంటలో ఉందని విద్యార్థులు చెప్పారు,

ఒడి చెరనుంచి పారిపోయే అడుగులలో ఉందని బిడ్డ చెప్పింది,

ప్రేమను  సాధించటంలో ఉందని యువకుడన్నాడు,

అప్పులు లేని వ్యాపారంలో ఉందని వర్తకుడు అన్నాడు ,

ఆరోగ్యంలో ఉందని  రోగి అన్నాడు ,

ఇదేనా స్వాతంత్య్రం అంటే? కాదు


ఎక్కడ పడితే అక్కడ ఎంగిలి ఉమ్మడం , 

స్వేచ్ఛగా చెత్తను ఉన్నచోటే పారేయడం ,

ఎవ్వరు చూడనపుడు తప్పు చేయడం,

వ్యాపారం పేరుతో దోచుకోవడం,

లంచాలు ఇచ్చి శిక్షను తప్పించుకోవడం,

విదేశీ రుచికోసం ఆరోగ్యాన్ని వదులుకోవడం,

అవసరం కోసం నియమాలను ఉల్లంఘించడం,

ఇదేనా స్వాతంత్య్రం అంటే? కాదు



ఓ సామాన్యుడా మేలుకో,

శత్రువులు పోయారు,

మనకు స్వేచ్ఛనిచ్చిన నేతలు పోయారు,

కానీ స్వాతంత్య్రం ఏది?

మన అడుగులు దేనివైపు?

శత్రువు లేని సమాజాం కోసమే అయితే నీ పోరాటంతో పనిలేదు సైనికులు ఉన్నారు,

ఆకలి తీర్చే ప్రయాసపడకు కర్షకులు సేవకులు ఉన్నారు,

రోగాలతో పోరాడకు వైద్యులున్నారు,

నీ రక్షణకై బయపడకు రక్షకభటులున్నారు,

ఇంకా మెరుగైన సమాజమా నీ లక్ష్యం?

అయితే నీ ఒక్క చిన్న చర్యను సరిచేసుకో,

అదే స్వాతంత్య్రం ఆరోజే నిజమైన స్వాతంత్య్ర దినోత్సవం..... 


What is independence?


A Salute to the flag,

Handing out candy,

Staying away from services,

Enjoying the holiday,

Is this independence?


The books say that we got it by freeing ourselves from enemies,

Students say that it is in the last school bell,

The baby said it is when he can walk or run,

The young man said that it is when he can get the love,

The trader said it is in a debt-free business,

The patient said it is in good health,

Is this independence?


you are free to spit anywhere,

You are free to throw the garbage anywhere,

You are free to make a mistake when unnoticed,

Robbery in the name of business,

Violating the rules for our necessities,

Giving up the health for the foreign taste,

Is this independence?



Wake up, O commoner,

The enemies are gone,

We have lost the leaders who set us free,

But what is independence?

Which way are our feet?

Do you want to fight with our enemies? don’t worry soldiers are taking care,

Do you want to fulfil hunger? don’t worry, farmers are there,

There are doctors to fight diseases,

There are police to protect you,

If you still want a better independent society?

Correcting your one small action will bring all of us the same,

And that day is the real independence day…..




మా స్నేహం

విరిసిన పువ్వు వదిలిన రేకులు చూసుంటారు కానీ రేకులు పోగైతే విరిసిన పువ్వు మా స్నేహం...

బుగ్గ శిఖరాన

నీ బుగ్గ శిఖరాన నునివెచ్చని ముద్దుల కిరణాలు ప్రసవించనా?

అందం

కృష్ణ బిలం లాంటి సాంద్రమైన నీ అందాన్ని దాటేసే వీలులేక అందులో చిక్కుకున్న నా చూపును నీకు అంకితం చేస్తున్నాను....

కలువకు కోరిక కలిగే

నీ అందచందాల కథలు విన్న కలువకు,
కనులు కావాలని కోరిక కలిగే...

A lily that heard the stories of your charms desired to have eyes...

స్నేహం

ఏదైనా ఇమిడే బంధం ఉంటే అది స్నేహం ఒక్కటే..

గుడ్డి నమ్మకం

కడలిని నమ్మి పడవ సాగదు,
పోటు ఎక్కువైతే మునగక తప్పదు,
నమ్మకం ఎప్పుడైనా వమ్ము కావచ్చు,
 అన్నిటికి సిద్ధపడితే ప్రయాణం సుగమం కావచ్చు,
నిజం గ్రహిస్తే మరో దారి ఉంటుంది లేకుంటే నీ గుడ్డి నమ్మకమే నీకు శత్రువౌతుంది...

తేలిపోతోంది

ఆగని ప్రవాహంలో ఎండుటాకు తేలిపోయినట్టు 
నను పట్టించుకోని నీ చూపుల ప్రవాహంలో నా ఎదురుచూపు తేలిపోతోంది...

శుభోదయం

వెచ్చని హృ(ఉ)దయానికి చల్లనిది నీ కబురు...

నీతో కలిగిన బంధం చూపుతోటి కాదేమో

ప్రతి ఉదయం వెలుగు తాకినా, సూర్యుడిని చూడాలని అనిపించదు, 
రోజు వస్తాడని చులకనేమో,
కానీ నీ కబురు అందినపుడల్లా, 
నిన్ను కలవాలని అనిపిస్తుంది,
నీతో కలిగిన బంధం చూపుతోటి కాదేమో...

ప్రకృతి

ప్రకృతి మారదు పరివర్తన చెందుతుంది,
సరికొత్తగా ఏది ఉండదు,
అది నీకు కొత్త అనుభవం అంతే...

సహజమైన అందాలు

 ఏ గంధం రాసుకొని వర్షపు గాలికి ఆ పరిమళం?

ఏ వెలుగు తాకి ఆ తారకు మెరుపు?

ఏ రంగు తాకి సంధ్యకు ఆ చందం?

సహజమైన అందాలు ఎన్నో అందులో నీది ఒక అందం

ప్రతిరోజు నీకు పుట్టినరోజే

నీ పరిచయం కలిగిన ప్రతి హృదయంలో నీ జ్ఞాపకం ఎప్పుడు పుడుతూనే ఉంటుంది,
ఈరోజే కాదు మేము తలచే ప్రతిరోజు నీకు పుట్టినరోజే...

కాలం ఇచ్చిన శాపం

కాలం తపస్సును భంగపరిచానేమో నాకు శాపం ఇచ్చింది, 
నానుంచి నిన్ను విడదీసింది, 
కానీ తనకి తెలియదు, 
తన శాపం కంటే గొప్పది నా ప్రేమని, 
నీకు చెప్పలేకపోయినా అది నాలో ఎప్పుడు ఉంటుందని..

స్వప్నం కాదు ఇది నిజం

నీలి చారల మేఘం, 
నిండు పున్నమి రూపం, 
మనిషి చెక్కని శిల్పం,
స్వప్నం కాదు ఇది నిజం...

నలుపే వెలుగు

నలుపే వెలుగౌతుందని తెలియదు నీ కనుల వెంటున్న కాటుక నలుపే ఈ చీకటికి వెలుగౌతుందని తెలియదు...

పోలికెందుకు

పువ్వుకు నీ నవ్వుకు పోలికెందుకు, 
నువ్వు నవ్వితే అది విరిసిన పువ్వే...

చిరుదీపం కార్చిచ్చు

చిరు దీపంలో వెలుగు ఉండకపోవచ్చు కానీ ఎంతో సాంత్వననిస్తుంది,
కార్చిచ్చు ఎంతో వెలుగునివచ్చు కానీ భయాందోళనకు గురిచేస్తుంది,
కలిగే ఒక్క ఆలోచనని చిరుదీపంలా వెలిగించి ఆనందిస్తామో లేక కార్చిచ్చులా రగిలించి కాలిపోతామో మన చేతిలోని ఉంది...

రెండు వేకువలు

నా జీవితంలో రెండు వేకువలు,
చీకటిని తొలచివేస్తూ వెలుగొచ్చే వేకువ,
విరహాన్ని తరిమికొట్టి నిన్ను చూపించే జ్ఞాపకం మరో వేకువ...

మరచిపోతోంది

నిన్ను తలచినప్పుడల్లా,
చూడాలనే ఆసక్తి పెరుగుతుంది,
కానీ నీ అందాన్ని చూసి,
నీ గురించిన ఆలోచన ఎందుకన్నది మరచిపోతోంది...

తప్పేంటి

ఇలలో ఉన్నవాటిని కలలో చూసుకోవడం దేనికి? మదిలో ఉన్నవాటిని కలలో చూసుకుంటే తప్పేమిటి?

ప్రేమ తగలకుంటుందా

జ్ఞాపకాలు తలచుకొని,
రూపాన్ని నిలుపుకొని, 
గుండెపై చేయేస్తే, 
ప్రేమ తగలకుంటుందా...

నవ్వే నీ మకరందమైతే

నవ్వే నీ మకరందమైతే,
దానిపై వాలదా నా మాట బ్రమరమై...

మంచుకొండ బగ్గుమంటే

మంచుకొండ ఒక్కసారిగా బగ్గుమంటే,
మల్లె తీగ మొగలిరేకైపోతే,
ఊరుకున్న గుండెలో గుబులు పుట్టదా,
ఏమి లేని మనసులో ప్రేమ కలగదా..

ముద్దుల నోము

నా బుగ్గ నోచుకుంది ముద్దుల  నోము అందుకే దొరికింది నాకీ వరము

లేదు

లేని ఆకాశంలో తార కనిపించదు,
లేని తోటలో పువ్వు ఉండదు,
లేని మనసులో ప్రేమ పొంగదు...

ఎవరా తోడు

ఎవ్వరికి చేరువౌతున్నా చెదిరిపోతోంది మనసు,
కానీ ఒంటరితనానికి అదంటే అలుసు,
అటా ఇటా తెలియక సతమతమౌతుంటే,
అద్దంలో ఒకతోడుందని అది నన్ను వదిలిపోదని తెలుసుకున్నా...

అమ్మ

కోటి దివ్యశక్తుల ఫలమైనా అది తనలో బస చేయకుంటే ప్రాణంగా మారదు,
నువ్వెంత వేగంతో దూసుకెళ్లిన నవమాసాలని తగ్గించలేవు,
వేగతరం ఈ ప్రపంచం కానీ నీ పుట్టుక నా పుట్టుక ఒక్కటే,
సందేహం లేని ప్రశ్న అంటూ ఉంటే అది ఎవరు జన్మనివ్వగలరు అన్నదే,
బరువు అనుకోదు బాధ్యత అనుకోదు ప్రాణం అనుకుంటుంది భారం మొస్తుంది,
జాతక చక్రాలు ఏమి చెప్పినా బిడ్డ వల్ల తన ఆయువే పోయినా,
చావుకు ఎదురెళ్లే ప్రతి తల్లికి అమ్మకు వందనం అభివందనం..

వెన్నెలొచ్చింది

చల్లగాలికని వచ్చి,
చిన్న కవితను రాసుకున్నాను,
అడిగి తీసుకెళ్లింది,
కానీ ఆ పిల్ల ఏమైంది?
వెతికేలోపే వెన్నెలొచ్చింది,
వెన్నెల కాదు తనేనని తాకి వెళ్ళింది..

బుంగమూతికి రాయనా బుజ్జగింపు లేఖ

నీ బుంగమూతికి రాయనా బుజ్జగింపు లేఖ?
ఏ వైపు చూసినా అంత ముద్దొస్తుంటే, నీది అలక అనుకోవాలా లేక అందం అనుకోవాలా?

మాటల బుడగలు

నీ మాటల బుడగలు ఎగురుతుంటే 
నా అల్లరి వాటితో స్నేహం కోరుకుంది...

ఎలా రాయాలి

జాబిలి ఎదురుంటే తారలు కనిపించవేమి?
బాగోలేదు మార్చాలి,
నిను చూస్తుంటే ఇంకెవ్వరు కనిపించరేమి?
పాపకు కనిపించినా చూడదేమి?
ఊహు ఇలా రాయాలి,
నీ కనుపాపకు నేను కనిపించినా నా మనసును చూడదేమి?
వలను ప్రేమించే చేపకు గాలం వెయ్యవేమి?
ఇలా రాయచ్చేమో,
నీ వలపు వలను ప్రేమించే నాకు  నువ్వు అందవేమి?...

నీ ప్రేమ

నీ ప్రేమలో పడితే,
ఇసుక తిన్నెలు కూడా అలలై ఉప్పొంగుతాయి,
ఒక్కో వేసవి కిరణం మంచు తునకై నేల రాలుతుంది,
నీ ప్రేమ దూరమైతే,
కడలి కనులు కూడా చెమ్మగిల్లుతాయి,
పూలు వాడకనే పరిమళాన్ని త్యజిస్తాయి....

అందానికి వేకువ

సంధ్య వాలితే లోకానికి చీకటి
నీ రెప్పలు వాలితే
అందానికి వేకువ...

మురికి

మురికి మనుషులు వేరు మురికి మనసులు వేరు,
ముక్కు పనిచేస్తే చాలు ఇట్టే గుర్తు పటచ్చు మురికి మనుషులను,
దూరంగా వెళ్లిపోవచ్చు లేదా శుభ్రం చేయచ్చు,
కానీ అన్ని పనిచేస్తున్నా పసిగట్టలేమే మురికి మనసులను,
వాటిని ఏలా గుర్తించాలి వేటితో కడగాలి? 

ఎప్పటిదో కవిత

ఎప్పటిదో కవిత,
రాసుకున్నా దాచుకున్నా,
మళ్ళీ చూడలేదు ఎదురుపడలేదు,
కానీ వాలింది నా నీడను తాకుతోంది,
జ్ఞాపకాల లోతుల్లోంచి తెలిసిన పోలికలేవో,
రాసుకున్న అక్షరాలన్నీ కనుల ముందు,
కానీ నాదేనా అన్న సందేహం,
చూస్తూ ఉండిపోయా,
చూస్తూనే అదృష్టం కోల్పోయా...

తెలియదు

తెలియదని చెప్పడం తెలుసుకోడానికి ఒక మార్గం...

మహిళాదినోత్సవ శుభాకాంక్షలు

నాలో ప్రాణం స్నేహం మోహం ప్రేమ అనురాగం సంకల్పం విజయం భావం కష్టం అన్నిటికి ఒక్కొక్క దశలో ఒక అర్థం చేకూర్చి ప్రతి శ్వాసను ఆస్వాదించేలా ప్రతి జ్ఞాపకాన్ని ఆనందించేలా చేసిన ప్రతి స్త్రీకి వందనం మరియు శుభాకాంక్షలు 
💐 🙏

గుచ్చుకున్నా గుండెలో దాచుకుంటా

వెన్నలే తగిలినా కందిపోయే బుగ్గలు,
కానీ కొండనే కరిగించే పదునైన చూపులు,
నువ్వు సౌందర్యానివో లేక ఆయుధానివో,
ముళ్ళు పువ్వు కలిసిన రోజావో,
గుచ్చుకున్నా గుండెలో దాచుకుంటా,
వాడిపోనీకుండా కనుపాపలో ఉంచుకుంటా...
❤️💔

నీ సొగసు

జాబిలితో పాటు నువ్వూ పుట్టావేమో,
నిన్ను ఆ మెరుపుల మేఘం కన్నదేమో,
మరో లోకంలో నీ సౌందర్యానికి భావం ఉన్నదేమో,
ప్రతి చుక్క ధారపోసిన తళుకులు ఒక్క నీలో నిండెనేమో..

ఉప్పెన

ఒక్కసారిగా ఉప్పెనలా నువ్వు,
అందులో తడిసి మెరిసే తీరపు మట్టిలా నేను,
నాపై రాసుకున్నవన్నీ నీలో దాచుకుంటావు,
నీలో దాచుకున్నవి నాకై వదిలిపోతావు,
అందరికి కఠినంగా ఉప్పగా ఉండచ్చేమో నీ ప్రేమ,
కానీ నాకెప్పుడూ ఒక తియ్యని తాకిడే...
❤️

కలుగులో దూరిపోయింది

తన నిరీక్షణ మీ ఉదయంతో అంతం అవుతుందనే ఆశతో,
మీ మనసును మెప్పించలేని నా కవిత్వం కలుగులో దూరిపోయింది...

ప్రేమని చెప్పడం సాధ్యమా

ప్రేమకు ప్రేమని చెప్పడం సాధ్యమా,
ప్రేమకు రూపం ఇవ్వడం సాధ్యమా,
నా మనసును అమ్మగా చేసినా నీ ప్రేమను పుట్టించడం సాధ్యమా?
❤️

నీ శోభకు సాక్ష్యం లేదు

ఆ తెల్ల కాగితం చూసావా రంగులు అద్దుకోలేని అభాగ్యం తనది,
చిత్రకారుడుకి నీ అందం చూసి చూపు మరలలేదు,
ఆ బండని చూసావా శిల్పంగా మారలేని విధి తనది,
 నీ సొగసు చూసిన శిల్పికి చెయ్యి కదలలేదు,
అక్షరం లేని కవిత చూసావా,
నీ వయ్యారాన్ని వర్ణించడానికి కవికే భాష కరువైంది,
అందుకే ఎక్కడ వెతికినా నీ శోభకు సాక్ష్యం లేదు ఉండదు....

ఒక్క మాట

నీ ఒక్క మాట విలువెంతో నా మనసునడిగి చూడు..
దాచుకుంది తనలో తన ఏకాంతానికి అదే తోడు...

నువ్వే

కలల తెరకు నిప్పు పెట్టినా ఆ జ్వాలలో నువ్వే,
నిదుర ముసుగులో మునిగిపోయినా ఆ మత్తులో నువ్వే,
వెలుగును విసిరి పారేసినా ఆ చీకట్లో నువ్వే,
అందరు ఉన్నా నువ్వే ఎవ్వరు లేకున్నా నువ్వే.....
💔

జై జవాన్

మట్టిలో భీజం మొలకెత్తుతుందో ఏమో కాని,
నీ మనసునున్న భక్తి మహాతేజం అవుతుంది,
నీ గుండెకు శ్వాస ఉండదేమో,
నా దేశం అన్న నిస్వార్ధం చాలేమో,
 కిందనున్న జెండా ఎగురవేస్తే కాదు,
మా నోటినున్న భక్తి తలకెక్కిన రోజే నిజమైన స్వేచ్ఛరా,
వీరుడా నింగికేగరా,
🙏
జై జవాన్
జై హింద్

गर्मियों

कल रात आप शांत थे,
लेकिन आप सुबह गर्म थे,
अरे, क्या हुआ, आकाश?
तुम भी मेरी पत्नी की तरह हो,
वह एक लड़ाई से पहले एक संकेत देता है,
तो आप हमें गर्मियों की चेतावनी दे रहे हैं?

(Translation credits to google)

కన్నీటి బరువు

నా కన్నీటి బరువు పూరేకు మోసేంత,
నా మనసు బరువు నీ ప్రేమలో ఇమిడేంత,
కొంతనో ఎంతనో నాపై ప్రేమ ఉంటే చాలు,
మిగిలిన ప్రేమను పూరేకు పై మోపుతాను...

నవీన పోకడ

బంధాలు సాంకేతికమైతే భావాలు అక్షరాలకే పరిమితం అవుతాయి... 

కులం

నా తోలు రంగే నీకు సమస్య అయితే చీకటిలో నీ రంగేమిటో చూసుకో,
నా కులం నీకు సమస్య ఐతే ఆకలికి రగిలే నీ పొట్టని ఆపి చూసుకో,
బేధాలు అన్నవి విభేదించడానికి కాదు గౌరవించడానికి అర్థం చేసుకోవడానికి,
ఒకరికి దారి చూపలేని ఒకరికి సాయపడని కులం అగ్రకులం ఎలా అవుతుంది?
చూసుకో మరి నీది దారి తప్పిన కులమా లేక దారి చూపే కులమా....

అదిగో జాబిలి అందనంటోంది

వెంటాడే వెలుగు ఎంతో దూరమున్నా,
ఎందుకో ఆ భయం చెంత చేరకుండా,
ఎగసి పడే అలలు తాకలేవు,
తపించే మనసుకు దొరకవు,
ఎవ్వరికీ చిక్కకుండా,
చుక్కల్లో చిక్కుకొని,
అదిగో జాబిలి అందనంటోంది.....

నూతన సంవత్సర శుభాకాంక్షలు-౨౦౨౧

ఒక్క అడుగు ముందుకేసింది ౨౦౨౦,
అలాగే ఒక్క టీకా ముందుకొచ్చి,
ఆ ఒక్క క్రిమిని సంహరించి,
మన ఒక్క కష్టాన్ని తీర్చాలని కోరుకుంటూ,
నూతన సంవత్సర శుభాకాంక్షలు...

గాజు ప్రేమ

గాజు పగిలేకొద్ధి పదునుగా మారుతుంది, అదే విధంగా నా మనసు విరిగేకొద్ది నీపై ప్రేమపై ధ్యాస మరింత పెరుగుతూ ఉంటుంది.. As the glass breaks it becom...