కరోన కలకలం

గుండెను అరచేతిలో పెట్టుకొని బ్రతకడం కాదు అరచేతిని మూతి మీద పెట్టకుండా ఉంటే చాలు నీ గుండె పదిలం...

చీరకట్టు ఇంక్యుబేటర్

ఊపిరు ఆడని సంస్కృతికి ఇంక్యుబేటర్ మీ చీరకట్టు,

వైరస్ పట్టిన సంస్కృతికి సానీటైజర్ మీ చీరకట్టు,

రోజుకొక్కసారి కడుతుంటే,

పాశ్చాత్య క్రిములు నశించి,

మన అంటీబాడీస్ వెలుగు చూస్తాయి,

ఇంటికొక దేవత అవతరిస్తూ,

నవ భారతం మళ్ళీ ఊపిరందుకుంటుంది...

చీరకట్టుకై యుద్ధం

చీర కట్టాలంటే,

ప్రపంచ యుద్ధమే జరగాలి,

లేకుంటే తీరిక ఏది?

రక్కసి జన్మించాలి,

లేకుంటే దేవతా మూర్తికి అవసరమేంటి?

కరోన

సామాన్యుడికి ఒక అవకాశం,

కవచం కాకు,

ఆయుధం పట్టకు,

ఆవేశపడకు,

నువ్వు ఉన్న చోటే దేశ సరిహద్దు,

గడప దాటనిదే శత్రువుకు బలం లేదు,

దేశభక్తిని ఇక చాటుకో పౌరుడా,

కనిపంచని గుండె చప్పుడై,

లోన ఉండి ఈ ప్రపంచాన్నే కాపాడు...

🙏