అల్లరి చేసే వెంకటేశుడా,
పడుకొనే ఎన్నెన్నో మహిమలు,
చూపాడు ఆ చిన్ని కృష్ణుడు,
పడుకొనే మా హృదయాలని,
గెలిచాడు ఈ కృష్ణుడు,
చేతులూపరా,
కాళ్ళు ఊపరా,
పాల బుగ్గల చిన్ని గోవిందా ....
నామాలకు ఎంత మహిమో ,
నీ నవ్వులకు అంతే మహిమ,
ఆ పాదాలేమో ముక్తి నిచ్చునో,
ఈ పాదాలు మా ముద్దు తీర్చును,
అటు చూడరా,
ఇటు చూడరా,
ముసి ముసి నవ్వుల చిన్ని గోవిందా,
చిన్న వేషమే శ్రీనివాసుడా,
అల్లరి చేసే వెంకటేశుడా....
ఏడు కొండలు దాటితే కానీ ఆ దేవ దేవుడు,
చిన్ని ఊయల చేరితే చాలు మా చిన్ని బాలుడు,
తన భార్య కోపము కొండనెక్కిస్తే,
మా కోపము ను తీరిస్తే,
వాడికంటే ను గొప్ప దేవుడు,
మా మధ్యనున్న చిన్ని గోవింద,
చిన్న వేషమే శ్రీనివాసుడా,
అల్లరి చేసే వెంకటేశుడా....