ప్రతి అడుగు ఒక గమ్యమే

ప్రతి అడుగు నువ్వు నిర్ణయించని గమ్యస్థానాన్ని చేరుకుంటుంది. ఒకసారి తిరిగి చూడు, నువు ఇప్పటికే వేలాది గమ్యాలను చేరుకోనుంటావు.

Every step reaches a destination that you didn't designate as the destination. Look at it, you have already visited thousands.

💜💜

నీలా నువ్వు ఉండు

మొదటి స్థానంలో ఉండాలంటే ప్రపంచంతో పోటీ పడాలి కానీ నీలా నువ్వు ఉండాలంటే ఆ ఆలోచనే చాలు ఏ పోటీ లేకుండా నువ్వు గెలిచేసినట్టే...

To be number one you must win a race against the world but to be yourself you won already against the world...

💜

ఏ ప్రవాహము వెనక్కి మళ్ళదు

ఏ ప్రవాహము వెనక్కి మళ్ళదు అడ్డు తగిలితే,

మరింత సామర్ధ్యాన్ని కూడగట్టుకొని,

అడ్డును విచ్ఛిన్నం చేస్తుంది లేదా దాటుకుని ప్రవహిస్తుంది...

💪

నువ్వు నా మదిని తాకిన మకారందానివే

మంచు తునక ఆహ్లాదం, 

ఇప్పుడు నీటి బిందువై మెరుస్తోంది, 

పత్తి గుత్తిలా మెత్తని ముద్ద మందారం, 

సన్నజాజిలా అందాలు అద్దుకుంటోంది, 

వెలుగంత రూపం కౌగిలిస్తే వెచ్చగా, 

ఇప్పుడు అంత వెలుగు ఒక కిరణంలో ఇమిడిపోతోంది, 

కనిపించే పగటి నీడ, 

ఇప్పుడు సంధ్య వేళ నీడలా కనీ కనిపించక కవ్విస్తోంది, 

ఎంత ఆనందమో నీలో కానీ అదే అందం, 

ఎంత సొగసో నీలో పురివిప్పుకుంటోంది లేలేత భావం, 

నీ నవ్వుకు అభిమానులు, 

ఇప్పుడు ఆ నవ్వుకు తోడు నయగారాలు, 

అప్పుడు ఒక అందం ఇప్పుడు మరొక అందం, 

అంతే కాని ఎప్పుడు నువ్వు నా మదిని తాకిన మకారందానివే...

వజ్రం/Diamond

వజ్రం ఆభరణమైతే ఎంత అందంగా ఉంటుందో ఆయుధమైతే అంతే భయం కలిగిస్తుంది...
---------------------------------------------------------
Diamond is so beautiful as an ornament and it is equally dangerous as a weapon...

మొలక రాకుంటే ఓటమి కాదు/It is not lost if it didn't sprout

మొలక రాకుంటే ఓటమి కాదు....

అనుభవాల వేర్లు ఎంత లోతో ఎవరికి తెలుసు....

-----------------------------------------

It is not lost if it didn't sprout...

Who knows how much depth it's roots are in...

నీకెందుకు ఆ పట్టుదల?

ఓ నీటి బుడగా! నీకెందుకు ఆ పట్టుదల?!

చిన్న అలికిడికే పగిలిపోతావు,

అంత దూరం ఎగరలేవు,

గాలి ఉన్న ఆశతో బ్రతుకుతుంటావు,

ఎవరి ఆనందానికి బలి అవుతావో తెలియక,

నీ దారి నీ చేతిలో లేక,

బ్రతికే నీ కొద్దిపాటి జీవితంలో

ఏం సాధించాలని నీకు ఆ పట్టుదల??!

ఓటమిని గెలుపుని మరొకరి చేతిలో పెట్టకు

ఓడినపుడు

ఆశపడే స్థాయి లేదనుకోకు..

గెలిచినపుడు సాధించాననుకోకు..

నీ ఓటమిని గెలుపుని మరొకరి చేతిలో పెట్టకు..

సాధన చేయాలి పోటీ పడాలి ఆటను ఆస్వాదించాలి ఫలితాన్ని ఆహ్వానించాలి..

ఆటకు పాట ఆడాల్సిందే

నీతో నువ్వు జత కడితే నీ ఆటకు పాట ఆడాల్సిందే...

వెలుగు వెదజల్లు

వేల దీపాలు ఉన్నా కాంతులు వెదజల్లే ఒక్క కాకరపూవొత్తి కంటికి ఇంపు..

చిల్ డ్యూడ్

చిల్ డ్యూడ్,

నీతో నేనున్నా,

కూల్ డ్యూడ్,

నీతో నేనొస్తా,

కలిసే ఎగురుదాం,

కలిసే పరుగెడతాం,

నీ గమ్యం నా గమ్యం వేరైనా,

ఒకరికి ఒకరై సాగుదాం,

ఇదే మన లోకం,

మనది మరో ప్రపంచం..

మనసును వాడేసుకోకు,

వయసును పారేసుకోకు,

వాచ్ చేస్తుందిలే టైంపాస్ నీకోసం,

ను పాస్ చేయకు ప్రతి అవకాశం,

బ్రోకెన్ హార్ట్ ని ఫిక్స్ చేస్కో,

బ్రోకెన్ వీట్ తో లంచ్ చేస్కో,

హెల్త్ అండ్ వెల్త్ నీదేలే,

నలుగురికి ను ఉండాల్లే..

ఓడిపోతే వోడ్కా,

బోల్తాకొడితే కొడితే బీరు,

దిగులుకు ఎందుకు మందు,

చుట్టే భూమిని చూడాలంటే,

గో ఔట్ అండ్ సీ ద వరల్డ్,

మత్తులో తూలి లేవాలంటే,

అచీవ్ వాట్ యు వాంట్,

కిక్కు ఉంది జిందగిలో,

నీ గెలుపును నువ్వు మిక్స్ చెసుకో..

ఆలోచనకు మెరుపొస్తుంది

ఎన్నో ఘర్షణలకు లోనైతేనే ఆలోచనకు మెరుపొస్తుంది..

ఓడిన చోటే అనుభవాలు ఓనమాలుగా కొత్త పాఠాలు నేర్పుతాయి..

గెలుపంటే?

ఎందుకు అని ప్రశ్నించకు..

ఎప్పుడు అని ఎదురు చూడకు..

అడుగువేసే ధైర్యం లేకుంటే..

గెలుపు మీద మక్కువ పెంచుకోకు..

👎

గమ్యాన్ని అందాలనే తపనలో మనసు ఉడుకుతుంటే ఆ వేడి సెగలకు నువ్వు అందుకునే వేగం లో ఉంది నీ గెలుపు..

అంతేకాని అందుతుందో అందదో తెలియని గమ్యం లో కాదు..

👍

సాధనను అలవాటుగా చేసుకో

నువ్వు వ్యర్థం కావు..

నీ ఆలోచన వ్యర్థం కాదు..

సంకోచించకు సందేహించకు..

ఆచరణలో పెట్టు..

ఆగకు అన్వేషించడం ఆపకు..

ఫలితం నీది కాదు ఎదురు చూడకు..

సాగిపో సాధనను అలవాటుగా చేసుకో..

స్నేహోదయం

ప్రతి రోజు వెలికితీసే జ్ఞాపకాలలో,
ప్రతి కిరణం గుర్తు చేసే ఉదయంలో,
చిగురించే చిరు కవితలు మీరు,
అల్లుకుంటూ హత్తుకుపోయే చెలిమి మాలికలు మీరు.... 

చిల్లి గవ్వ

చిల్లి గవ్వ లేకుంటే చలామని కాలేవు...
చినిగిన బట్ట వేసుకున్నా డబ్బు ఉంటే ఆదర్శం ఔతావు...
ఎదిగే కొద్ది ఒదగాలి...
ఎదగకుండా ఒదిగినా దేనికి కొరగావు...

గొప్పతనం

మురళిని పలికించే వాడికన్నా దానిని చేసినవాడి నేర్పే గొప్పది,

వెదురులో మౌనం కాదు రాగముందని తెలుసుకున్న వాడి మనసే మధురమైనది..

మిన్నంత తన మనసు

తెలియదు జాబిలికి తాను ఎంత అందమని,
చెక్కిళ్ళు పొంగితే తాను పౌర్ణమి అవుతుందని,
మచ్చలే తన మమకారాలు,

మిన్నంత తన మనసు,

మిణుగురంత తన కోరిక,

ఒంటరి జీవితం,

కానీ తన వెన్నెల అందరికోసం...

ఆత్మ విశ్వాసం

నీడ వంక చూసావా నీడలేకున్నది తోడు వంక చూసావా తరలిపోతున్నది నిప్పుకాలం రగిలే హృదయం కన్నీటితోను ఆరనంది చెలిమి కూడా తీర్చలేనిది లోన ఏదో ఉంది ఐనా ఆగవే మది ఆగిపోకే అందమైన లోకమిది చూడవే కనులతోటి మొత్తమంతా నీదౌతుంది ఆశ చేర్చు ఊపిరి తిరిగొస్తుంది దేనిని వదులుకోకు మళ్ళీ కోరుకున్నా రాదు మరి... .

చెలిమి గుర్తులను మరువలేను

మట్టికి కూడా తెలియని నీ లేలేత అడుగు జాడలు, నా స్నేహపు తీరంపై ఇంకా చెరగలేదు చెరిగిపోదు, అలజడి లా వచ్చే అ అలలను తాకనివ్వను , కన్నీటి ధారలా మోసం చేసే ఆ చినుకులను తాకనివ్వను, ఇంకే అడుగును కూడా దానిపై పడనివ్వను, ఎండబారిన నేలనై నే శిధిలమై పదిలపరుస్తా కాని, అ ముచ్చటైన చెలిమి గుర్తులను మరువలేను, ఇకపై ఆ చెలిమిని పెంచాలని వేడుకుంటాను...