పుట్టినరోజు

దేనికి వరముంది?

మొగ్గతొడిగిన క్షణాన్ని మొక్క వేడుకగా చేసుకోదు,

చినుకు పుట్టిన క్షణాన్ని మేఘం మెచ్చుకొదు,

మొదటి సారి పొదుగు చూసిన లేగదూడకి ఆ క్షణం గుర్తు ఉండదు,

కానీ మనిషికి వరముంది,

పుట్టిన క్షణాన్ని గుర్తు చేసుకోవడానికి,

ప్రతి ఏటా ఆ తియ్యని అనుభూతిని అనుభవించడానికి,

పుట్టినరోజున పండుగ చేుకోవడానికి...

💜

దీపావళి

ఆ జువ్వ కంటే నా మదిని తాకే నీ నవ్వులే నాకు దీపావళి,

ఈ చీకటంతా వెన్నెలగా మార్చే నీ చూపులే నాకు దీపావళి,

మనది ఎన్నో పేలుళ్ల జీవితం,

అందులో కొన్నే సందళ్లు శాశ్వతం,

సగం చీకటి సగం వెలుగు కలిసిన పండుగై,

ఇద్దరమూ ఒక వేడుకై సాగిపోదాం...