పాపం చీర

అమ్మాయి! నన్ను కూడా అల్లుకోవా అని అడగడానికి నీపై ఉన్న గుడ్డ సరిపోదే, 

ఇంక నిన్నేమీ ప్రేమించను, 

కొంగుకు కడితేనే నేను కుదురుగా ఉండటం కష్టం, బెత్తెడు గుడ్డ నిన్నే చుట్టలేదు నన్ను ఎలా కట్టిపెట్టుకుంటావు, 

ఓ చీర! ఎందరో మునులు మౌనంగా తపస్సు చేసి వరాలు పొందారు, 

నువ్వు మా బీరువాలో ఎన్ని ఏళ్ళు మౌనంగా తపస్సు చేసినా దేవుడు కరుణించలేదు, 

నిజమే నీకు మంత్రాలు రావు హోమాలు చేయవు, 

నీపై ఎవ్వరికీ కనికరం లేదు, 

కనీసం మరుజన్మలో నేను ఆడదానిని ఐతే నీ మోజులో పడతాను నిన్ను ప్రేమిస్తాను చుట్టుకుంటాను అల్లుకుంటాను, 

నిన్ను ప్రేమించేవాడినే నేను ప్రేమిస్తాను...

చీరకట్టు ఇంక్యుబేటర్

ఊపిరు ఆడని సంస్కృతికి ఇంక్యుబేటర్ మీ చీరకట్టు,

వైరస్ పట్టిన సంస్కృతికి సానీటైజర్ మీ చీరకట్టు,

రోజుకొక్కసారి కడుతుంటే,

పాశ్చాత్య క్రిములు నశించి,

మన అంటీబాడీస్ వెలుగు చూస్తాయి,

ఇంటికొక దేవత అవతరిస్తూ,

నవ భారతం మళ్ళీ ఊపిరందుకుంటుంది...

చీరకట్టుకై యుద్ధం

చీర కట్టాలంటే,

ప్రపంచ యుద్ధమే జరగాలి,

లేకుంటే తీరిక ఏది?

రక్కసి జన్మించాలి,

లేకుంటే దేవతా మూర్తికి అవసరమేంటి?

చీరకట్టు

తోక చుక్క అరుదు,

నీలి నింగి జాబిలి అరుదు,

వడగళ్లు అరుదు,

హరివిల్లు అరుదు,

చీరకట్టు కూడా అరుదాయెరా,

 అంత కష్టమైనదా చీర కట్టు?

నువ్వైనా చెప్పరా శంకరా....