బుగ్గ శిఖరాన

నీ బుగ్గ శిఖరాన నునివెచ్చని ముద్దుల కిరణాలు ప్రసవించనా?

నా కళ్ళు నా మనసును వెక్కిరిస్తోంది

ఆగలేని అందం పువ్వు దాటితే,

దాగలేని తీపి తేనె పట్టు దాటితే,

ఉండలేక ముత్యం కడలి దాటితే,

బొమ్మ లోని సొగసు ప్రాణం పోసుకుంటే,

ఈ అద్భుతాలన్ని నీలో నేను చూస్తూ ఉంటే,

నీ అందం నా ప్రేమను చిన్నబుచ్చుతోంది,

నా కళ్ళు నా మనసును వెక్కిరిస్తోంది....

చామంతి ఛాయాలో సిరిమల్లె

చామంతి ఛాయలో సిరిమల్లె,

సిరిమల్లె పెదవిలో మందారం,

మందార మకరందానికి తేనెటీగ ఝంకారం...

ప్రేమజువ్వలు

మందు రాజుకుంటే తారాజువ్వలు,

మది రాజుకుంటే ప్రేమజువ్వలు,

వెలిగి వెలిగి ఆగిపోయినా,

మళ్ళీ వెలగకపోయినా,

ఆ వెలుగు చూసిన కనులు,

ఆ ప్రకాశాన్ని మరచిపోలేవు...

అందానికి చిరునామా

ఘడియ ఘడియకు అందాలు జన్మించినా ఎన్ని యుగాలు కావాలో నీ అందం అందుకోడానికి...

ఓ ప్రియతమా అందానికి ఒకే ఒక్క చిరునామా ఉంటుంది అది నీలొనే దాగి ఉంది...

అసలైన చీకటి ఏదో?

నీ కురులకు మల్లెలు తోడైతే ఏది అసలైన చీకటో ఏవి నిజమైన తారలో పోల్చడం కష్టమేమో...

పదమును నేర్చుకుంటుంది ఈ చల్లని రేయి

నిదురలో కాదు నిదురకు రావే నిచ్చెలి,

కలలు కూడా నిన్ను ఇలలో కోరుకుంటున్నవి నా చెలి,

నా నీడకు చీకటిలో నీ వెలుగు కావాలి,

అప్పుడే కనిపిస్తుంది,

 లేదంటే నిను వెతుకుతూ నను వదిలిపోతోంది,

ఒకే ఒక్క అక్షరం నా ఒంటరితనం,

జత చేరి నన్ను పదమును చేయు,

ఆ పదమును నేర్చుకుంటుంది ఈ చల్లని రేయి..

నిన్ను నీకే అర్పించుకో

పగిలే హృదయమా పారిపోకు..

చిగురు తొడిగే వసంతాలు రాకపోవు..

రగిలే తాపమా తరలిపోకు..

నీ ఆలాపనలో బాధ కూడా సుఖమని మరచిపోకు..

నీలో నీకై నీలో నీవై నీకే నీవై

నిన్ను నిన్నుగా ప్రేమించుకో..

నిన్ను నీకే అర్పించుకో..!

💔

కఠినమైనది

కఠినమైనది జ్ఞాపకం...

కరుణలేనిది ఈ దూరం...

కలతకు కానుక కన్నీళ్లు...

గడిచిపోయినా ఇంకా ఎన్నాళ్ళు...

💔

చీకటిని అంతా నా కౌగిట నింపు

వెన్నలను కోవెలగా చేసినావా, 

కోవెలలో తనను తారకను చేసినావా, 

అయినా దూరం కదా, 

మనసుకు భారమౌతోంది, 

అందాన్ని చూస్తూ కనులు చిన్నబోతోంది, 

నేలకు పంపు నింగిని దించు,

చీకటిని అంతా నా కౌగిట నింపు...

కలిసే విరిగాము కలలే విడిచాము

పెదవే ఉంటే మాటలు వచ్చేవేమో మనసా..
నీకు నోరు ఉంటే అడ్డు వేసేవుంటావు..
ప్రేమ తెలపడానికి తెలియని బాష నేర్చుకున్నావు..
కానీ ఆ ప్రేమను ఆపడానికి ఒక్క మాట చెప్పలేకపోయావు..
నీ తప్పో నా తప్పో కలిసే విరిగాము కలలే విడిచాము..
దిగులు చెందకు జోరు పెంచకు..

నా తీగను తెంచుకుని ఎగరాలని చూస్తున్నా

నువ్వు తారకవు దూరంగా ఉంటూ తళుకుమంటుంటావు...
అందలేనే నిన్ను నేనొక గాలిపట్టాన్ని...
వెలుగులో మట్టుకే ఎగురుతుంటాను...
చీకటి వరకు ఉండలేను...
చిన్న గాలిని తాలలేను...
చినిగిపోయే మనసు నాది...
నేల వాలే రాత నాది...
నువు కనిపిస్తావని చూస్తున్నా...
నా తీగను తెంచుకుని ఎగరాలని చూస్తున్నా...

ఏకాంతం ఒంటరితనం

ఏకాంతానికి ఒంటరితనానికి ఒక్కటే తేడా అది తోడు....,
మనకు మనం తోడుంటే ఏకాంతం....,
లేని వారి ఆలోచన తొడుంటే ఒంటరితనం...

మోహం

కనులెదుటే మోహం ఉన్నా , తెలియదు ఎందుకో పిచ్చి మనసుకు , లోకమంత ప్రేమ ఉన్నా సూన్యమౌతుంది దాని ముందు, తెర దించాలన్నా కాదేందుకో మోసపోతుంది , అది ప్రేమే అన్న బ్రమలో ఉండిపోతుంది , వీడాలని మనసంటున్నా ఆలోచన దానిని వెక్కిరిస్తుంది , జయించగలిగితే ప్రేమను పొందగలవు , ఓడిపోతే ఒంటరివౌతావు .......