చిరుపాదం

మురిపాల జలపాతమా,

మురిసింది ఈ నేలమ్మ,

చిరునవ్వు చిరు పాదమా,

నువ్వు కదిలొస్తే నది కృష్ణమ్మ...

❤️

నీ బుగ్గలు

బుగ్గల పండగకి దేవత నువ్వేగా ,

బూరెలు కూడా ఓడిపోయే బుగ్గలు నీవేగా ,

నూనెలో వేగకున్నా ఉబ్బిన పూరీలు ,

తాకితే చేతికి అందేటి పువ్వుల చెక్కిళ్ళు,

పడితే చినుకు కూడా ఎగురుతూ ఆడుకోదా,

నీ బుగ్గపై ముద్దులు అమ్మితే స్వర్గమే కొనవచ్చుగా,

పాలరాతి చిట్టి బొమ్మ ఎంత అందమైనా ఓడిపోదా,

ఎంగిలి ఎంత అదృష్టం చేసుకుందో దాని చుట్టే ఉంటుంది,

బుగ్గ దాటి ఏముందో నీ కళ్ళు కూడా చూడలేకుంది,

సాగే సంసారాన్ని మరవాలంటే నీ సాగే బుగ్గలు తాకితే చాలు,

నీ ముద్దు మురిపాలతో అన్ని మరచిపోవచ్చు ....