వెతుకుటాకులు...

తినేవారికి మంచి ఆకులు తరువాత ఎంగిలాకులు పొట్టకూటికి లేని వారికి వరముటాకులు దుర్భరమైన జీవితాన ఇవే ఉచితమైన ఆకలి వెతుకుటాకులు....

అవుతున్నా నేనే ఓ చకోరం.

అ చిత్రాన్ని బహుకరించిన సుభ గారికి ప్రత్యేక ధన్యవాదాలు ... :) 

దాహం తీర్చే మేఘం...  తనువును పులకరింప జేసె మేఘం....  మట్టిలోని ప్రాణాన్ని చిగురింపజేసే మేఘం.... జల్లులుగా మారి చిగురాకులపై ఊయలలూగే మేఘం.  అలలలో కలగా కలిసిపొయే మేఘం..  రతనాల తోటలో ముత్యమై మెరిసే మేఘం...  అర విరిసిన కుసుమాలపై ముద్దులు కురిపించే మేఘం...  అలాంటి ఆ మేఘం కోసం అవుతున్నా నేనే ఓ చకోరం...

ప్రోత్సాహించే స్నేహం..

నా మనసులో మీ స్థానం ఒక సుభాషితం  ఆ పరిచయం నా దారిని చేసింది జ్యోతిర్మయం ఆ వెలుగులో నా ఆనందమిక నవరసభరితం నన్ను ఇంతగా ప్రోత్సాహించే మీ స్నేహానికి నా హృదయ పూర్వక ధన్యవాదాలు

నా చెలి పాదము జాగ్రత

నా చెలి పాదము జాగ్రత్త  చక్కని పాదము జాగ్రత్త ప్రేమతో అడుగులు వేస్తూ నను చేరే పాదము ఓ గోరింటాకు తననేమనకు తనతో స్నేహం చేస్తూ ఎర్రగామారు తను చూసే సరికి పెదవిపై చిరు నవ్వుగా మారు ...

వర్షా కాలం..

చిటపట చిటపట చినుకుల వాన బెక బెక బెక బెక కప్పల రాగం తప తప తప తప  బురదలో తాళం కిర్ కిర్ కిర్ కిర్ చెప్పుల శబ్దం ఇంతే ఇంతే వర్షా కాలం

దీపావళి శుభాకాంక్షలు

వెలుగు పూలు విరబూసే అరుదైన తోట  బంధాలను బద్రపరిచే మంచి ఘడియ  ఆనందాలను గుర్తుచేసే గొప్ప వేదిక అందరికి కనుల పండుగ బేధాలు లేని దీపావళి పండుగ... అందరికి హృదయ పూర్వక దీపావళి శుభాకాంక్షలు ..

అలసట తెలియని మహా యోధులు..

జుట్టు తెల్లబారినా తెలియదు ఒళ్ళు నల్లబారినా తెలియదు  కష్ట మొక్కటే తెలుసు కార్మికులకు   ఎన్ని భవనాలు కట్టినా  మన కలలను వారు నిజాము చేసినా పేదవారే కాని ధనవంతులు కారు  మన నాలుకకు రుచులు వారిచ్చినవే మన మానానికి బట్టలు వారిచ్చినవే అయినా రుచుల సౌకర్యాలు తెలియని వారు మన రాచమార్గము వారి అడుగుల పుణ్యమే పాదరక్షలు వారి చేతుల చలవే అయినా ముళ్ళభాటపైనే  వారి అడుగులు  వేకువతో మొదలౌతారు  చీకటితో నిదురిస్తారు అలసట తెలియని మహా యోధులు వారినే నమ్ముకుంటూ హాయిగా జీవిస్తారు

చేరదీయి నీ స్వాభిమానమును..

పరులు నివ్వెరపోని ... పంతాలు మోసుకొని... మనకేమి భయము మనకేమి... పాండిత్యము కాదు ఇతరుల శ్రేయస్సులోనే గొప్పతనము... అనుకువలో కాదు అనుకున్నది చేయుటలోనే విజయము.. తోసిపుచ్చు దుఖాఃన్ని  ... చేరదీయి నీ స్వాభిమానమును...

Excuse Me

while checking the options in my blogger settings by mistake the comments to some of the postings were deleted. Excuse me for this. I miss your great comments :(

గాజులోయమ్మ చిలిపి నేస్తాలు

గాజుల వాకిలి తెరవంగానే రమణుల రాకలు మొదలాయే రాసులు కాసులు ఉండంగ కూడా చేతికి గాజులే మురిపెములాయే బావను సక్కంగా ఉంచడానికి గేట్టినైన ఈ మట్టి గాజులు అమ్మానాన్నల ప్రేమను చూపే గల గల గల పట్టీల గాజులు ఇంటిల్లి పాది అందాలు చూపే మెరిసిపోయే ముత్యాల గాజులు గాజులోయమ్మ నవ్వేటి గాజులు అందాల చేతికి అనువైన గాజులు గాజులోయమ్మ చిలిపి నేస్తాలు మెత్తాని చేతికి చేమంతి గాజులు....

రైతన్న

అన్న రా మాయన్న ఆకలి తీర్చేటన్న... మట్టిలో ఆడుకుంటూ సాగులు చేసేటన్న ... ఎండిన ముత్యాలను పంటలుగా మార్చేటన్న.. కాలమేధైనా కష్టాన్ని నమ్మేటన్న .. అందరిలో పెదన్న.. ఆ అన్నే మా రైతన్న... మా మనసులలో వెలుగన్న...

నా స్నేహితురాలు సుకన్య పుట్టినరోజు .

ఏదారికోదారి అ దారిలో చిన్నారి స్నేహాన్ని కలుపుకుంటూ  కన్నవారి ఆశయాలను పంచుకుంటూ ఎంత ఎదిగినా అంత కింత ఒదుగుతూ మళ్ళి ఈరోజు పాపై పుట్టెనే  మా అందరి మదిలో పదిలంగా నిలిచిపోయేనే.. నీ ఆశయాలు నెరవేరాలని ప్రయత్నాలు నిజమవ్వాలని ఏ బరువైన మోయగల భలము నీకు కలగాలని మనసారా కోరుకుంటూ పుట్టిన రోజు శుభాకాంక్షలు...

నీవు ఓ పడతి రూపమే.

మైనం లాంటి మేని సొగసు కరిగిపోయే లేత మనసు హత్తుకుంటే పొంగిపోయే పరిమళాలు అన్ని నీ సొంతమే ఓ  సబ్బు బిళ్ళా నీవు ఓ పడతి రూపమే...

 

నాకోసమే అ కవ్వింతలని....

చక్కనోడు చందురోడు పున్నమై వచ్చాడు  చల్లని మేఘాలనల్లి  నా చెలిని దాచాడు తారలలో ఉందేమో చూపులను పంపిస్తే వెన్నలను చూపించి నా కనులను దోచాడు మభునై పయనిస్తూ విను వీధులు వెతుకుంటే చల్లని గాలినే పంపి నన్ను చినుకులా మార్చాడు నా ప్రయత్నమంతా మానుకొని అలా చూస్తున్దిపోతుంటే తెలిసింది ఆ జాబిలే నా చెలి అని  నాకోసమే అ కవ్వింతలని....

తానే దైవమై దెయ్యమును పెట్టె .

మానవత్వము పెట్టి బేధములు పెట్టి ప్రాణము పెట్టి దానికి విషము పెట్టి బలము పెట్టి బలహీనతను పెట్టి తానే దైవమై దెయ్యమును పెట్టె ..

హాజరు పట్టీలు

మనుషులుండరు  కాని వారి వరుసలు వుంటాయి  తప్పు చేయకున్నా గడులలో బందీలౌతారు ఎప్పటికి పారిపోలేరు కాని  అప్పుడప్పుడు మాయమౌతుంటారు   పట్టీలలో కాలక్షేపం చేస్తుంటారు అ పట్టీలే హాజరు పట్టీలు