శిలవైపో శిల్పమైపో

కదలకు అలజడి రేపుతావు మనసులో , కనులను కదపకు బాణాలు వేస్తావు కుర్రకారు హృదయాలలో , అభినయించకు నడవకు శిలవైపో శిల్పమైపో, లేకుంటే వదలరు నీ వెంటబడతారు ......

అందమా అది సౌందర్యమా ?

గానమే రూపు దాల్చి గళమై పాట పాడితే , సిరి మువ్వే అందె వేసి చిందులేస్తూ ఆడుతుంటే , పరవశించే హృదయం నవ్వుల హారం తొడుగుతుంటే , అందమా అది సౌందర్యమా ? చెప్పతరమా చూడతరమా ఆ చిన్నారిని మాటలతో పోల్చతరమా

మనువాడని నీ స్నేహం నా చెలిమితో

మనువాడని నీ స్నేహం నా చెలిమితో , పసి నవ్వుల కెరటం నీ మాటల్లో, ఎప్పుడో వెనుతిరిగిన తారక ఒకటి ఇప్పుడు వెన్నలలా ఉదయించింది , ఎల్లపుడు నా నింగిలో జీవిస్తూ ఉండాలని నా కోరిక , చీకటి వెలుగు లేకుండా స్నేహమై ఉండాలని నా మాటగా , విన్నవిస్తున్న నేస్తమా వింటున్నావా ,నిను తలచుకుంటూ రాస్తున్నా చూస్తున్నావా ...

ఆరని పారానికి అందాల పాదాలు... తీరని విరజాజులకు నల్లని కురులు... అధిన రంగులకు చక్కని చెకిల్లు... మత్తుగొలిపే ఎరుపునకు తియ్యటి అధరాలు... ప్రేమను మోసే ఎద జతలు... నాజూకు నయగారాల ఒంపు సొంపులు... గల గల గాజులకు చిక్కని చేతులు... వెలుగు మరిపించే కాటుకకు లేడి కనులు... కునుకు తీయని కలలకు అందమైన రూపు రేఖలు.. ఆత్మీయమైన ఈ ప్రపంచానికి అందమైన పడతులు...

నిను చూసా

కాలమందిన అందమంత నీ కౌగిలింతలో చూసా , కలువ భామలో నలుపు నీ కురుల రంగులో చూసా, ధారగా పారే గంగ నీరు నీ నవ్వు వాగులో చూసా , పసుపు నుదుటిపై సంధ్య బొట్టులా మోము సొగసును చూసా , అమ్మ కనులలో ప్రేమ కధలకు రూపమిచ్చి నిను చూసా , నా నీడకే నువ్వు నీడలావుంటే చనువు స్పర్శను చూసా, రంగులే పాడే రాగ మాలికలు నీ మాట పొంగు లో చూసా, వెంటనే వచ్చే చిలిపి గుర్తులో నీ పలకరింపును చూసా , కడలి పై కదిలే ఆ అలల ఆటలో చూసా , కొమ్మ కొమ్మకు పూచినా పువ్వు లో నిను చూసా, బయపెట్టే చీకటిలో జాబిలమ్మ లా నిను చూసా , మేళవింపుల రాగాలకు ఆడే అందెలో నిను చూసా , మించిపోయే నిదుర మత్తులోని హాయిలో నిను చూసా , చేతికందిన ఆశకు నీ పేరుపెట్టి చూసా , మలయా మారుతాలను కరిగించే శృంగార రవళిని చూసా , సన్నిధిలో పూజించే దేవతలా నిను చూసా ....

పుట్టిన రోజు 'సుభా'కాంక్షలు రసజ్ఞా

వేకువలో ఒక కిరణం , నింగి దిగిన మేఘం , అందరి సేవకై సాగుతుండగా , కరిగిపోదు జ్ఞాపకం , వాడిపోదు స్నేహం, మా మదిలో ప్రతిబింబమై నువ్వు కనిపిస్తుండగా , ప్రతి క్షణం నీ ఆలోచనకు నువ్వు జన్మనిస్తుంటే , ఈ క్షణం నీకై వేచి ఉంది , నీ పుట్టినరోజుకు శుభాకాంక్షలు అందజేస్తోంది ...

ప్రాణమంతా తపించే తరుణమదే

కనులారా దూరమౌతుంటే కనిపించని మనసులో ఏదో అలజడి , మాటేమో మౌనమౌతుంటే మాటునున్న ప్రేమకు సెలవని , ప్రాణమంతా తపించే తరుణమదే , చావు కూడా తియ్యగనిపించే దృశ్యమదే .....

ప్రశ్నకే కలిగే విరహం

పడిలేచే అలలకే ఆశ తీరకుంటే తీరాన్ని ముద్దాడుతూ పదే పదే కవ్విస్తుంటే చినుకు తడిపిన తాపానికి తల వంచి పువ్వులే సిగ్గుతో చూస్తుంటే కళ్ళముందు మెదిలే నీ రూపం పెదవులను తాకే నీ భావం ఎక్కడ నీవెక్కడ అన్న ప్రశ్నకే కలిగే విరహం ....

శ్రీ భీమలింగేశ్వర స్వామి దివ్య చరిత -బెల్దోన , గాధేకల్

ఆధునికుడికి ఆధ్యాత్మిక చింతన 

"శ్రీ  భీమలింగేశ్వర స్వామి దివ్య  చరితను" అనువదించి అందరికి అందుబాటులోకి తెచ్చిన వీడి పేరు రెడ్డి కిరణ్ . వీడు అంటునానేమిటి అనుకోకండి నా స్నేహితుడు కనుక ఆ మాత్రం చొరవ. 

సాఫ్ట్ వేర్  ఉద్యోగిగా ఉంటూ కొంత కాలాన్ని దీనికి వినియోగిస్తూ నాకు ఎంతో ఆదర్శంగా నిలిచాడు 

అందరి మనలను సంపాదించాడు . ఈ సంతోషాన్ని మీతో పంచుకోవాలని ఈ ప్రయత్నం . 

మరిన్ని వివరాలకు కొంత కాలం వేచివుండాలని  మనవి.  

కీర్తిగడించినారెందరో  కీర్తిమంతులెందరో

అట్టి కీర్తినే మకుటమెక్కించిన నీ కీర్తి చిరస్థాయి ....... 

నీకోసం నా స్నేహం

నీ కళల్లో ఏముందో తెలిపేదేలా స్నేహం వెలుగే విరబూసిందని చెప్పే నా మాటల్లో సంతోషం నీవంటూ మనసే కడలయ్యిందని ఎనాల్లో దాగున్న ఆ చిన్ని ఆశ నీతోటి తీరింది నన్నే తడిపింది అవునన్నా కాదన్నా నువ్వంటే నాకిష్టం నీకోసం నా స్నేహం వేచుంది ప్రతి క్షణం...... పపిత .

నిన్ను నువ్వు మోసం చేసుకోకు .

అలలా నిన్ను తాకుతూ వెడలిపోతున్నా కాని తీరంలా నన్నెపుడూ ఆదరిస్తావు నీపై అడుగులు ఎన్ని పడుతున్నా నాకోసమే నీవన్నటుగా నిలిచావు ఎందరో వదిలిన చేదు గుర్తులను నేను చెరిపాననా లేక అలల వలలతో నిన్ను బంధించాననా ఇంత ప్రేమకు నీవు సాక్ష్యం కావచ్చేమో కాని నేనెపుడు పొంగుతానో ఆగుతానో తెలియదు నన్ను ప్రేమించకంటూ నీకు చెప్పలేను రేయి మనసు తెలిసి దాగిపోయే వేకువలా వెడలిపో నన్ను చేరకు నిన్ను నువ్వు మోసం చేసుకోకు .......