నాలో మాట

నీ బుగ్గ శిఖరాన నునివెచ్చని ముద్దుల కిరణాలు ప్రసవించనా?

కృష్ణ బిలం లాంటి సాంద్రమైన నీ అందాన్ని దాటేసే వీలులేక అందులో చిక్కుకున్న నా చూపును నీకు అంకితం చేస్తున్నాను....

నీ అందచందాల కథలు విన్న కలువకు,

కనులు కావాలని కోరిక కలిగే...

A lily that heard the stories of your charms desired to have eyes...

ఏదైనా ఇమిడే బంధం ఉంటే అది స్నేహం ఒక్కటే..

కడలిని నమ్మి పడవ సాగదు,

పోటు ఎక్కువైతే మునగక తప్పదు,

నమ్మకం ఎప్పుడైనా వమ్ము కావచ్చు,

అన్నిటికి సిద్ధపడితే ప్రయాణం సుగమం కావచ్చు,

నిజం గ్రహిస్తే మరో దారి ఉంటుంది లేకుంటే నీ గుడ్డి నమ్మకమే నీకు శత్రువౌతుంది...

ఆగని ప్రవాహంలో ఎండుటాకు తేలిపోయినట్టు

నను పట్టించుకోని నీ చూపుల ప్రవాహంలో నా ఎదురుచూపు తేలిపోతోంది...

వెచ్చని హృ(ఉ)దయానికి చల్లనిది నీ కబురు...

ప్రతి ఉదయం వెలుగు తాకినా, సూర్యుడిని చూడాలని అనిపించదు,

రోజు వస్తాడని చులకనేమో,

కానీ నీ కబురు అందినపుడల్లా,

నిన్ను కలవాలని అనిపిస్తుంది,

నీతో కలిగిన బంధం చూపుతోటి కాదేమో...

ప్రకృతి మారదు పరివర్తన చెందుతుంది,

సరికొత్తగా ఏది ఉండదు,

అది నీకు కొత్త అనుభవం అంతే...

ఏ గంధం రాసుకొని వర్షపు గాలికి ఆ పరిమళం?

ఏ వెలుగు తాకి ఆ తారకు మెరుపు?

ఏ రంగు తాకి సంధ్యకు ఆ చందం?

సహజమైన అందాలు ఎన్నో అందులో నీది ఒక అందం

నీ పరిచయం కలిగిన ప్రతి హృదయంలో నీ జ్ఞాపకం ఎప్పుడు పుడుతూనే ఉంటుంది,

ఈరోజే కాదు మేము తలచే ప్రతిరోజు నీకు పుట్టినరోజే...