బాలరసాల సాల నవపల్లవ కోమల కావ్యకన్యకన్ గూళలకిచ్చి యప్పడుపుఁగూడు భుజించుటకంటె సత్కవుల్ హాలికులైన నేమి? గహనాంతర సీమలఁ గందమూల కౌ ద్దాలికులైన నేమి నిజదారసుతోదరపోషణార్ధమై.
ఎవరా తోడు
ఎవ్వరికి చేరువౌతున్నా చెదిరిపోతోంది మనసు,
కానీ ఒంటరితనానికి అదంటే అలుసు,
అటా ఇటా తెలియక సతమతమౌతుంటే,
అద్దంలో ఒకతోడుందని అది నన్ను వదిలిపోదని తెలుసుకున్నా...
అమ్మ
కోటి దివ్యశక్తుల ఫలమైనా అది తనలో బస చేయకుంటే ప్రాణంగా మారదు,
నువ్వెంత వేగంతో దూసుకెళ్లిన నవమాసాలని తగ్గించలేవు,
వేగతరం ఈ ప్రపంచం కానీ నీ పుట్టుక నా పుట్టుక ఒక్కటే,
సందేహం లేని ప్రశ్న అంటూ ఉంటే అది ఎవరు జన్మనివ్వగలరు అన్నదే,
బరువు అనుకోదు బాధ్యత అనుకోదు ప్రాణం అనుకుంటుంది భారం మొస్తుంది,
జాతక చక్రాలు ఏమి చెప్పినా బిడ్డ వల్ల తన ఆయువే పోయినా,
చావుకు ఎదురెళ్లే ప్రతి తల్లికి అమ్మకు వందనం అభివందనం..
వెన్నెలొచ్చింది
చల్లగాలికని వచ్చి,
చిన్న కవితను రాసుకున్నాను,
అడిగి తీసుకెళ్లింది,
కానీ ఆ పిల్ల ఏమైంది?
వెతికేలోపే వెన్నెలొచ్చింది,
వెన్నెల కాదు తనేనని తాకి వెళ్ళింది..
బుంగమూతికి రాయనా బుజ్జగింపు లేఖ
నీ బుంగమూతికి రాయనా బుజ్జగింపు లేఖ?
ఏ వైపు చూసినా అంత ముద్దొస్తుంటే, నీది అలక అనుకోవాలా లేక అందం అనుకోవాలా?
ఎలా రాయాలి
జాబిలి ఎదురుంటే తారలు కనిపించవేమి?
బాగోలేదు మార్చాలి,
నిను చూస్తుంటే ఇంకెవ్వరు కనిపించరేమి?
పాపకు కనిపించినా చూడదేమి?
ఊహు ఇలా రాయాలి,
నీ కనుపాపకు నేను కనిపించినా నా మనసును చూడదేమి?
వలను ప్రేమించే చేపకు గాలం వెయ్యవేమి?
ఇలా రాయచ్చేమో,
నీ వలపు వలను ప్రేమించే నాకు నువ్వు అందవేమి?...
నీ ప్రేమ
నీ ప్రేమలో పడితే,
ఇసుక తిన్నెలు కూడా అలలై ఉప్పొంగుతాయి,
ఒక్కో వేసవి కిరణం మంచు తునకై నేల రాలుతుంది,
నీ ప్రేమ దూరమైతే,
కడలి కనులు కూడా చెమ్మగిల్లుతాయి,
పూలు వాడకనే పరిమళాన్ని త్యజిస్తాయి....
మురికి
మురికి మనుషులు వేరు మురికి మనసులు వేరు,
ముక్కు పనిచేస్తే చాలు ఇట్టే గుర్తు పటచ్చు మురికి మనుషులను,
దూరంగా వెళ్లిపోవచ్చు లేదా శుభ్రం చేయచ్చు,
కానీ అన్ని పనిచేస్తున్నా పసిగట్టలేమే మురికి మనసులను,
వాటిని ఏలా గుర్తించాలి వేటితో కడగాలి?
Subscribe to:
Posts (Atom)
minutes of understanding
Sometimes the minutes of understanding is more than the years of journey, minutes of heartful talks are more than the years of memories... ❤...