నీలో నిజమై నేనున్నా చూడు

నీలో నిజమై నేనున్నా చూడు , కలలో నీతో కలిసున్నా చూడు , కదిలే కడలి నీ తీరం ఏది, కరిగే మనసా నీ గమ్యం ఏది , కనులార్పకింక రెప్ప పాపను వీడిపోయింది, మదిలోని ఆశ ప్రాణమై నన్ను మేలుకొలిపింది .... చూసేలోగా దూరమయ్యావు నువ్వు , చేరేలోగా మరో చెయ్యి పట్టావు నువ్వు , ఆశకింక అంతమంటు మౌనంతో చెప్పావు , ఆగలేని అడుగును ఎందుకు ఆపలేదు , నాలో నిండిన నిన్ను ఎందుకు అడగలేదు , తీసుకో నీ మనసును వేసిపో ఒక హద్దును .... నీ స్పర్శనే అడిగి ఉండనే అది జ్ఞాపకం అవుతుందని తెలిసుంటే , నీ కళ్ళనే చూసుండనే దాని కలకే నేను పరిమితం అవుతా అని తెలిసుంటే , ప్రేమ అన్న వలయంలో చిక్కుకోలేదు కాని నీవు అన్న నిజంతో బ్రతికాను, దూరం అన్న శత్రువుకి బయపడలేదు కాని అది తగ్గదని తెలిసాక బ్రతకలేకున్నా , ఓటమి ఇచ్చుంటే గెలుపు వైపు పయనం చేసుంటాను , గెలుపు ఇచ్చుంటే శిఖరాలకు చేరుంటాను , ఒడిదుడుకులు ఓటమి అంచులు చిరునవ్వులు గెలుపులు అన్ని నీవైపోయవే , మారో దారి ఏదని తెలియకుండా ఉన్నా , మరో ప్రపంచమే నాకు తగినదని దూరామౌతున్నా .....

ప్రేమ సంతకం

నీవే లేని జీవితం , చదువే రాని సంతకం , తెల్ల కాగితం అయితే ఏముంది , అందులో అక్షరం ఏదైతే ఏముంది, నీ స్పర్శ అందలేని ఈ చేతికి , అందులో ఒప్పందం ఏదైతే ఏముంది .... రాసిచ్చానుగా నా గతమంతా , నీకే అంకితం చేసాను గా , ఇమ్మంటావా నా రేపటిని , తీసుకో ప్రియతమా , చెంతనే ఉండకర్లేదు , చేతిని ఇవ్వకర్లేదు , నా కలలో వస్తే చాలు , నా మనసునున్న ప్రేమ ఆస్తిని నీకే రాసిస్తా గా ... సంతకం చేసాక తెలిసింది, నీ దూరమే ఆ ఒప్పందమని , అనుకున్నా చేరుపుదామని , కాని తెలిసిందే అది చెరగదని , అమ్ముకున్నావు నిన్ను నీవు ఒక్క మాటకోసం , నా ప్రేమను అమ్మినా సరి తూగలేదు ఆ మాటతో , తెలిసేనే నా ప్రేమ ఎంత తేలికైనదో , తెలిసేనే నా సంతకం ఎంత విలువైనదో ....

కలగవా కన్నీరు కడలికైనా

కలిగిన ఆశలు ప్రేమకు లోకువైతే , విరగదా మనసు ఎంతటి కొండధైనా , కలగవా కన్నీరు కడలికైనా .......

మోహం

కనులెదుటే మోహం ఉన్నా , తెలియదు ఎందుకో పిచ్చి మనసుకు , లోకమంత ప్రేమ ఉన్నా సూన్యమౌతుంది దాని ముందు, తెర దించాలన్నా కాదేందుకో మోసపోతుంది , అది ప్రేమే అన్న బ్రమలో ఉండిపోతుంది , వీడాలని మనసంటున్నా ఆలోచన దానిని వెక్కిరిస్తుంది , జయించగలిగితే ప్రేమను పొందగలవు , ఓడిపోతే ఒంటరివౌతావు .......

విధికే అంకితం నా దు:ఖం

నిదురలో నిలువకే , నిజములా వాలవే , కనులతో ఆడకే , కన్నీటిని తెప్పించకే , మనసా నీవొక మాయేకదా , మంత్రమేసి చూపించు నా చెలిని , వయసా నీవు ఆగలేవు గా , వేగంగా వెళ్లి చేరుకో నా సఖిని , ఎందుకిలా చేస్తావో తెలియదు , ప్రేమగా ఎందుకు మారుతావో తెలియదు , మారినా మాసిపోవెందుకు , ప్రాణం పోయినా ప్రణయ రాగం ఆపవెందుకు , విధికే అంకితం నా దు:ఖం , ను విని నను చేరితే నాకు మరో ప్రాణం అందిస్తావు , లేకుంటే మరు జన్మలోనైనా నను వదలకు ......

శిలవైపో శిల్పమైపో

కదలకు అలజడి రేపుతావు మనసులో , కనులను కదపకు బాణాలు వేస్తావు కుర్రకారు హృదయాలలో , అభినయించకు నడవకు శిలవైపో శిల్పమైపో, లేకుంటే వదలరు నీ వెంటబడతారు ......

అందమా అది సౌందర్యమా ?

గానమే రూపు దాల్చి గళమై పాట పాడితే , సిరి మువ్వే అందె వేసి చిందులేస్తూ ఆడుతుంటే , పరవశించే హృదయం నవ్వుల హారం తొడుగుతుంటే , అందమా అది సౌందర్యమా ? చెప్పతరమా చూడతరమా ఆ చిన్నారిని మాటలతో పోల్చతరమా

మనువాడని నీ స్నేహం నా చెలిమితో

మనువాడని నీ స్నేహం నా చెలిమితో , పసి నవ్వుల కెరటం నీ మాటల్లో, ఎప్పుడో వెనుతిరిగిన తారక ఒకటి ఇప్పుడు వెన్నలలా ఉదయించింది , ఎల్లపుడు నా నింగిలో జీవిస్తూ ఉండాలని నా కోరిక , చీకటి వెలుగు లేకుండా స్నేహమై ఉండాలని నా మాటగా , విన్నవిస్తున్న నేస్తమా వింటున్నావా ,నిను తలచుకుంటూ రాస్తున్నా చూస్తున్నావా ...

ఆరని పారానికి అందాల పాదాలు... తీరని విరజాజులకు నల్లని కురులు... అధిన రంగులకు చక్కని చెకిల్లు... మత్తుగొలిపే ఎరుపునకు తియ్యటి అధరాలు... ప్రేమను మోసే ఎద జతలు... నాజూకు నయగారాల ఒంపు సొంపులు... గల గల గాజులకు చిక్కని చేతులు... వెలుగు మరిపించే కాటుకకు లేడి కనులు... కునుకు తీయని కలలకు అందమైన రూపు రేఖలు.. ఆత్మీయమైన ఈ ప్రపంచానికి అందమైన పడతులు...

నిను చూసా

కాలమందిన అందమంత నీ కౌగిలింతలో చూసా , కలువ భామలో నలుపు నీ కురుల రంగులో చూసా, ధారగా పారే గంగ నీరు నీ నవ్వు వాగులో చూసా , పసుపు నుదుటిపై సంధ్య బొట్టులా మోము సొగసును చూసా , అమ్మ కనులలో ప్రేమ కధలకు రూపమిచ్చి నిను చూసా , నా నీడకే నువ్వు నీడలావుంటే చనువు స్పర్శను చూసా, రంగులే పాడే రాగ మాలికలు నీ మాట పొంగు లో చూసా, వెంటనే వచ్చే చిలిపి గుర్తులో నీ పలకరింపును చూసా , కడలి పై కదిలే ఆ అలల ఆటలో చూసా , కొమ్మ కొమ్మకు పూచినా పువ్వు లో నిను చూసా, బయపెట్టే చీకటిలో జాబిలమ్మ లా నిను చూసా , మేళవింపుల రాగాలకు ఆడే అందెలో నిను చూసా , మించిపోయే నిదుర మత్తులోని హాయిలో నిను చూసా , చేతికందిన ఆశకు నీ పేరుపెట్టి చూసా , మలయా మారుతాలను కరిగించే శృంగార రవళిని చూసా , సన్నిధిలో పూజించే దేవతలా నిను చూసా ....

పుట్టిన రోజు 'సుభా'కాంక్షలు రసజ్ఞా

వేకువలో ఒక కిరణం , నింగి దిగిన మేఘం , అందరి సేవకై సాగుతుండగా , కరిగిపోదు జ్ఞాపకం , వాడిపోదు స్నేహం, మా మదిలో ప్రతిబింబమై నువ్వు కనిపిస్తుండగా , ప్రతి క్షణం నీ ఆలోచనకు నువ్వు జన్మనిస్తుంటే , ఈ క్షణం నీకై వేచి ఉంది , నీ పుట్టినరోజుకు శుభాకాంక్షలు అందజేస్తోంది ...