బుట్టబొమ్మ

బుట్టబొమ్మ,

వెన్నెలమ్మ,

చీర కట్టి,

జాబిలైతివే,

నీ నవ్వుతోటి,

వేకువను చిన్నబుచ్చావే...

ఆత్మవిశ్వాసం

దూరంగా ఉనప్పుడు,

చెక్కినట్టి కనులు చూసి,

ఎంత సొగసో అనుకున్నా,

మనసు నిండా నవ్వు చూసి,

ఎంత హాయో అనుకున్నా,

కానీ చేరువైతే తెలిసింది,

సొగసైన కనులు అలసటకు వాడుతాయని,

నిండైన మనసు ఒత్తిడికి లోనౌతుందని,

ఎలా ఉన్నా నీలో చెరగని ఆత్మవిశ్వాసమే నిజమైన అందమని..

కరోన

సామాన్యుడికి ఒక అవకాశం,

కవచం కాకు,

ఆయుధం పట్టకు,

ఆవేశపడకు,

నువ్వు ఉన్న చోటే దేశ సరిహద్దు,

గడప దాటనిదే శత్రువుకు బలం లేదు,

దేశభక్తిని ఇక చాటుకో పౌరుడా,

కనిపంచని గుండె చప్పుడై,

లోన ఉండి ఈ ప్రపంచాన్నే కాపాడు...

🙏

మరో కథ

నీ కథ నువ్వే అడిగితే ఏం చెప్పగలను, 

నీపై ఉన్న ఇష్టాన్ని మరో కథలా మార్చలేను....

నవ్వు

చిన్న నవ్వు చూపించి,

మరో చిన్న నవ్వు వెలిగించు,

మంచి మాట వినిపించి,

ఒక మంచి మనసు గెలుపొందు...

అమ్మ

ఉన్న ఒక్క పండు వాడిపోతే కొమ్మకెంత కష్టం,

ఆ కొమ్మ ఒక్కటే చెట్టున ఉంటే పిల్ల గాలి కూడా పెను భారం,

కానీ వాలిపోదు తూలిపోదు ప్రాణమంతా పొగుచేసి,

 తానే ఒక వృక్షమై,

నీడనిస్తూ ప్రాణమిస్తూ ఉండిపోతుంది,

ఆ కొమ్మ లోని అమ్మకు 🙏

తొడుగు

నాకు జత ఉంది కాని జాడ ఏది అంటే పాదాలకు మువ్వలు తొడుగు,

నాకు మాట ఉంది కాని అందమేది అంటే మెడకు హారం తొడుగు,

నాకు వయ్యారముంది కానీ వగలు పోలేనే అంటే నడుముకు వడ్డానం తొడుగు,

నాకు ప్రాణం ఉంది కాని తోడు ఏది అంటే మనసుకు ప్రేమ తొడుగు...

అందం

చీకటి చుక్క తారపై పడి వెలుగు మగువై కురులు విరసి వెన్నెలంత నవ్వు అద్దుకొంది వేకువంత వెలుగు విరజిమ్ముతోంది....

రెప్పల చప్పుడు

కను రెప్పల చప్పుడు వినిపించదని అన్నవాడు,

 నీ కను సైగలను చూసివుండడు,

అవి ఎంత మాయ చేస్తాయో, 

ఎన్ని ఊసులు చెబుతాయో,

ఆ కబుర్లు విన్న నాకు తెలుసు,

ఆ ప్రేమ అందుకున్న నా మనసుకి తెలుసు...

దాగదు

పట్టు తెరవెనుక గాలి దాగదు నీ మనసు వెనుక ప్రేమ దాగదు...

తీపి గుర్తు

మది కొమ్మనుంచి పూచిన పువ్వు ఆ కొమ్మనే ముద్దాడితే అంతకంటే తీపి గుర్తు ఏముంటుంది....