అబద్ధం నిజమైతే అది మంచిదే...

ఇక్కడ గీతలు వంకర అన్నది ఓ అబద్ధం... కొలబద్దతో పరిశీలించండి...

నిజము తెలిసి మనసు దూరమైతే ప్రేమ అన్నది ఎక్కడ ..... రూపమేరిగి కనులు దూరం చేస్తే చెలిమి అన్నది ఎక్కడ..... బాధలున్న పెదవే నవ్వకుంటే ఆనందం ఎక్కడ... కులము మతము జాతి బేధము అన్ని నిజమైతే మనుజుని మనుగడ ఎక్కడ.... అబద్ధమే ఓ ఆశ పదే పదే చెబితే అదే నిజమవ్వదా... చెబుదాం ఓ అబద్ధం మనమందరం ఒక్కటని... చెబుదాం ఓ అబద్ధం మనలో జాతి మతం లేదని... చెబుదాం ఓ అబద్ధం దేశానికే నా ప్రాణమని... చెబుదాం ఓ అబద్ధం అది నిజమవ్వని... నిజమైన జీవితానికి అబద్ధాలే తుది మెట్టు.. మనసుకు మమతలకు అబద్ధాలే ఓదార్పు... గడిచినదంతా అబద్ధాలే  అని మరచిపోతే నిజమైన లోకం మన ఎదుట.. లేనిదంత అబద్ధము  అని చెప్పినపుడే ఉన్నది నిజమౌతుంది..