స్నేహం ఓడిపోదు

ఎన్ని చినుకులు ధారపోసినా నేల నింగినంటదు,

ఎంత ఆవిరిని కానుకిచ్చినా,

నింగి నేల చేరదు,

దూరం తొలగకున్నా,

వాటి స్నేహం ఓడిపోదు,

పలుకులే కానుకలై ఒకరికొకరం ఇచ్చుకుంటే,

పరవశించే ప్రకృతే మన చెలిమి కూడా!

నా ఇష్టం నువ్వేనని తెలుసా?

ఒక నాటి కల నిజమైనా,

ఈ నాటి నిజం దూరం అవుతుంటే,

ఆ నాటి పట్టలేని సంతోషం ఎంతో,

ఈనాడు ఆపలేని దుఃఖం అంతే,

నీ ఇష్టం అంటూ వదిలేసినా,

నా ఇష్టం నువ్వేనని తెలుసా?