ప్రేమ సంతకం

నీవే లేని జీవితం , చదువే రాని సంతకం , తెల్ల కాగితం అయితే ఏముంది , అందులో అక్షరం ఏదైతే ఏముంది, నీ స్పర్శ అందలేని ఈ చేతికి , అందులో ఒప్పందం ఏదైతే ఏముంది .... రాసిచ్చానుగా నా గతమంతా , నీకే అంకితం చేసాను గా , ఇమ్మంటావా నా రేపటిని , తీసుకో ప్రియతమా , చెంతనే ఉండకర్లేదు , చేతిని ఇవ్వకర్లేదు , నా కలలో వస్తే చాలు , నా మనసునున్న ప్రేమ ఆస్తిని నీకే రాసిస్తా గా ... సంతకం చేసాక తెలిసింది, నీ దూరమే ఆ ఒప్పందమని , అనుకున్నా చేరుపుదామని , కాని తెలిసిందే అది చెరగదని , అమ్ముకున్నావు నిన్ను నీవు ఒక్క మాటకోసం , నా ప్రేమను అమ్మినా సరి తూగలేదు ఆ మాటతో , తెలిసేనే నా ప్రేమ ఎంత తేలికైనదో , తెలిసేనే నా సంతకం ఎంత విలువైనదో ....