Sunday, September 17, 2017

ప్రతిక్షణం నిరీక్షిస్తున్నా నీకై

తలపుతో తలవంచే నా మనసు,
వలపుతో వెలివేసే నా వయసు,
నాలోనేను ఉండలేకపోయా,
నిను చేరినప్పుడు నిను వదిలినప్పుడు,
ఈ క్షణం నా స్థానమెక్కడో తెలియక,
ప్రతిక్షణం నిరీక్షిస్తున్నా నీకై....

Saturday, September 9, 2017

రెక్కలు కట్టిన రవి కిరణం

నిను చూస్తూ తానవేరో మరిచిపోయి,
నేల చేరమని పంపిన ఉదయాన్ని కాదని,
రెక్కలు కట్టింది రవి కిరణం,
నీపై వాలటానికి సీతాకోక చిలుకై..

Saturday, May 14, 2016

నీలో నిజమై నేనున్నా చూడు



నీలో నిజమై నేనున్నా చూడు ,
కలలో నీతో కలిసున్నా చూడు ,
కదిలే కడలి నీ తీరం ఏది,
కరిగే మనసా నీ గమ్యం ఏది ,
కనులార్పకింక రెప్ప పాపను వీడిపోయింది,
మదిలోని ఆశ ప్రాణమై నన్ను మేలుకొలిపింది ....

చూసేలోగా దూరమయ్యావు నువ్వు ,
చేరేలోగా మరో చెయ్యి పట్టావు నువ్వు ,
ఆశకింక అంతమంటు మౌనంతో చెప్పావు ,
ఆగలేని అడుగును ఎందుకు ఆపలేదు ,
నాలో నిండిన నిన్ను ఎందుకు అడగలేదు ,
తీసుకో నీ మనసును వేసిపో ఒక హద్దును ....

నీ స్పర్శనే అడిగి ఉండనే అది జ్ఞాపకం అవుతుందని తెలిసుంటే ,
నీ కళ్ళనే చూసుండనే దాని కలకే నేను పరిమితం అవుతా అని తెలిసుంటే ,
ప్రేమ అన్న వలయంలో చిక్కుకోలేదు కాని నీవు అన్న నిజంతో బ్రతికాను,
దూరం అన్న శత్రువుకి బయపడలేదు కాని అది తగ్గదని తెలిసాక బ్రతకలేకున్నా ,
ఓటమి ఇచ్చుంటే గెలుపు వైపు పయనం చేసుంటాను ,
గెలుపు ఇచ్చుంటే శిఖరాలకు చేరుంటాను ,
ఒడిదుడుకులు ఓటమి అంచులు చిరునవ్వులు గెలుపులు అన్ని నీవైపోయవే ,
మారో దారి ఏదని తెలియకుండా ఉన్నా ,
మరో ప్రపంచమే నాకు తగినదని దూరామౌతున్నా .....