Saturday, May 14, 2016

నీలో నిజమై నేనున్నా చూడు



నీలో నిజమై నేనున్నా చూడు ,
కలలో నీతో కలిసున్నా చూడు ,
కదిలే కడలి నీ తీరం ఏది,
కరిగే మనసా నీ గమ్యం ఏది ,
కనులార్పకింక రెప్ప పాపను వీడిపోయింది,
మదిలోని ఆశ ప్రాణమై నన్ను మేలుకొలిపింది ....

చూసేలోగా దూరమయ్యావు నువ్వు ,
చేరేలోగా మరో చెయ్యి పట్టావు నువ్వు ,
ఆశకింక అంతమంటు మౌనంతో చెప్పావు ,
ఆగలేని అడుగును ఎందుకు ఆపలేదు ,
నాలో నిండిన నిన్ను ఎందుకు అడగలేదు ,
తీసుకో నీ మనసును వేసిపో ఒక హద్దును ....

నీ స్పర్శనే అడిగి ఉండనే అది జ్ఞాపకం అవుతుందని తెలిసుంటే ,
నీ కళ్ళనే చూసుండనే దాని కలకే నేను పరిమితం అవుతా అని తెలిసుంటే ,
ప్రేమ అన్న వలయంలో చిక్కుకోలేదు కాని నీవు అన్న నిజంతో బ్రతికాను,
దూరం అన్న శత్రువుకి బయపడలేదు కాని అది తగ్గదని తెలిసాక బ్రతకలేకున్నా ,
ఓటమి ఇచ్చుంటే గెలుపు వైపు పయనం చేసుంటాను ,
గెలుపు ఇచ్చుంటే శిఖరాలకు చేరుంటాను ,
ఒడిదుడుకులు ఓటమి అంచులు చిరునవ్వులు గెలుపులు అన్ని నీవైపోయవే ,
మారో దారి ఏదని తెలియకుండా ఉన్నా ,
మరో ప్రపంచమే నాకు తగినదని దూరామౌతున్నా .....

Tuesday, January 5, 2016

ప్రేమ సంతకం



నీవే లేని జీవితం ,
చదువే రాని సంతకం ,
తెల్ల కాగితం అయితే ఏముంది ,
అందులో అక్షరం ఏదైతే ఏముంది,
నీ స్పర్శ అందలేని ఈ చేతికి ,
అందులో ఒప్పందం ఏదైతే ఏముంది ....

రాసిచ్చానుగా నా గతమంతా ,
నీకే అంకితం చేసాను గా ,
ఇమ్మంటావా నా రేపటిని ,
తీసుకో ప్రియతమా ,
చెంతనే ఉండకర్లేదు ,
చేతిని ఇవ్వకర్లేదు ,
నా కలలో వస్తే చాలు ,
నా మనసునున్న ప్రేమ ఆస్తిని నీకే రాసిస్తా గా ...

సంతకం చేసాక తెలిసింది,
నీ దూరమే ఆ ఒప్పందమని ,
అనుకున్నా చేరుపుదామని ,
కాని తెలిసిందే అది చెరగదని ,
అమ్ముకున్నావు నిన్ను నీవు ఒక్క మాటకోసం ,
నా ప్రేమను అమ్మినా సరి తూగలేదు ఆ మాటతో ,
తెలిసేనే నా ప్రేమ ఎంత తేలికైనదో ,
తెలిసేనే నా సంతకం ఎంత విలువైనదో ....

Sunday, October 18, 2015

కలగవా కన్నీరు కడలికైనా



కలిగిన ఆశలు ప్రేమకు లోకువైతే ,
విరగదా మనసు ఎంతటి కొండధైనా ,
కలగవా కన్నీరు కడలికైనా .......